Prokurorët letër Arta Markut: Të pajisemi sërish me armë!

Postuar: 15/04/2018 - 17:50

Dy vjet pas aplikimit të ligjit për çarmatosjen e një kategorie të caktuar zyrtarësh përfshi edhe prokurorët, këta të fundit kërkojnë sërish të pajisen me armë.

Në një analizë për vitin 2017 drejtuar kryeprokurorës Arta Marku, prokurorët e Sarandës e shohin ripajisjen me armë si një element të rëndësishëm për sigurinë e tyre fizike.

Në raport evidentohet se për efektivitetin e punës dhe ushtrimit të funksionit, duhet që përfaqësuesit e organit të akuzës të pajisen me armë dhe të merren masa për sigurinë e tyre.

"Nga analiza në tërësi e elementëve që u përmendën më lart, evidentojmë këto problematika duke propozuar marrjen në konsideratë për efektivitetin e punës dhe ushtrimit të funksionit:

Të merren masa për ripajisjen më armën të prokurorëve dhe sigurinë e tyre".

Prokuroria e Sarandës e sheh me shqetësim ndryshimin e hartës territoriale, ku përmendet rasti i njësisë administrative të Lukovës, mbi të cilën ata thonë se nuk kanë nën juridiksion hetimet.

"Ndryshimi i hartës territoriale, ku tashmë Njësia Administrative e Lukovës është pjesë e Bashkisë Himarë dhe mospërshtatja e legjislacionit të ri ka krijuar konfuzion për kompetencën tokësore pasi tashmë pjesë të ish-Rrethit të Sarandës janë brenda kësaj njësie administrative, madje dhe zona shumë pranë të qytetit të Sarandës, me orientim administrativ në Bashkinë Himarë. Në këto rrethana është vepruar mbi bazën e praktikës shumëvjeçare, deri më tani janë evituar problemet, për shkak të zotimit tonë profesional, por kjo situatë mbetet për t’u zgjidhur në interes të punës dhe komunitetit".

Veprat penale në fushën e narkotikëve janë përhapur ndjeshëm gjatë vitit 2017, thuhet në raport, ndërsa vjedhjet vijojnë të përbëjnë një aspekt shqetësues për territorin./ Oranews

/portali DurresLajm/

Na bëni like në facebook!: 

Lajme nga e njëjta kategori

Projekt-restaurimi i kishës së "Shën Luçisë" në Durrës, i është besuar arktitektit të njohur të qytetit, Indrit Hamiti.

Tre ditë më parë një argjendari në bulevardin kryesor të qytetit ra pre e grabitësve, fotoja e të cilëve është zbuluar, por ende të paide

Lidhur me vettingun në policinë e shtetit, zv.ministri i Brendshëm Julian Hodaj dha detaje të rëndësishme të procesit të cilit do t’i nën

Prokuroria e Tiranës ka nisur zyrtarisht hetimet për menaxherët shqiptarë të kompanisë “Gulf”, duke shpallur në kërkim policor menaxherin

Duket se nuk ka lajme të mira nga moti për ditën e nesërme.

Specialistët për Krimet në Komisariatin e Policisë Durrës kanë arrestuar në flagrancë një shtetas që vidhte kabinat e kompanive telefonik

Kryebashkiaku i Durrësit Vangjush Dako, ka publikuar në faqen e tij në “Facebook” lajmin e çmimit ndërkombëtar që fitoi projekti i “Sfink

KLSH kallëzon në prokurori ish-drejtorin, 2 përgjegjës sektori legalizimi, 3 ish-përgjegjës sektori legalizimi dhe 2 specialistë të drejt

Një drejtues mjeti që lëvizte me shpejtësi gati 100 km/h në Rrugën e Kavajës në kryeqytet mbrëmjen e djeshme, është ndaluar nga policia.

Vijon dominimi i kthjellime në Veri dhe zonat Qendrore, por vranësira kalimtare do të ketë ekstremi Jugor i vendit.