“Pse shikon!” Adoleshentët terrorizojnë klientët e lokalit në Shijak

18/08/2019 - 10:30

Disa adoleshentë janë konfliktuar mes tyre duke sjellë panik në zonën e Shijakut. Ngjarja ka ndodhur para disa ditësh në fshatin Pjezë, Shijak, ndërsa të premten është bërë i mundur ndalimi i adoleshëntëve nga policia.

Sipas Policisë, shtetasit J. Gj., 21 vjeç dhe E. B., 22 vjeç, banues në Pjezë, Shijak, kanosën me armë zjarri 4 shtetas, banorë të fshatit Hardhishtë që ndodhet në fshatin pranë tyre.

4 banorët e Hardhishtës ishin duke konsumuar drekë në një prej lokaleve në zonën e Gjepalajt, kur janë përplasur verbalisht me J. Gj., dhe E. B. Këta të fundit janë nxehur dhe kanë nxjerrë armët e zjarrit që kishin me vete duke qëlluar në ajër.

Pse shikoni? Do t’ju vrasim!”– mësohet të kenë bërtitur ata duke kërcënuar katër personat e tjerë. Të tjerët ishin larguar me vrap nga lokali. Ndërkohë mësohet se zanafilla e këtij sherri e ka pasur nga shikimet. Në drekën me birra, të rinjtë që nxorrën armët janë shqetësuar nga shikimet e katër personave të tjerë, të cilët sapo kishin ardhur nga Italia.

Njoftimi i policisë:

Policia e Shijakut zbardh dhe dokumenton ngjarjen e ndodhur dy ditë më parë duke shmangur përshkallëzimin e mëtejshëm të konfliktit, identifikuar dhe kapur autorët e dyshuar, të cilët kanosën me armë zjarri 4 shtetas në ambientet e një lokali. Specialistët për Krimet në Komisariatin e Policisë Shijak në bashkëpunim me Prokurorinë e Rrethit Gjyqësor Durrës, pas një pune hetimore kanë bërë të mundur zbardhjen dhe dokumentimin e plotë të ngjarjes së ndodhur më datë 13.08.2019, identifikimin dhe kapjen e autorëve, të cilët kanosën me armë zjarri 4 shtetas.

Janë ndaluar shtetasit J. Gj., 21 vjeç dhe E. B., 22 vjeç, banues në Pjezë, Shijak. Shtetasit e ndaluar, më datë 13.08.2019, në një lokal në Gjepalaj pas një konflikti për motive të dobëta me shtetasit E. A., 22 vjeç, A. R., 21 vjeç, V. S., 20 vjeç, J. T., 22 vjeç, banues në Hardhishtë, Shijak, i kanë kanosur dhe kanë qëlluar me armë zjarri në ajër. Gjatë kontrollit të ushtruar në vendin e ngjarjes, janë gjetur dhe sekuestruar në cilësinë e provës materiale 2 gëzhoja model 56. /Dosja.al

/portali DurresLajm/

Na bëni like në facebook!: 

Lajme nga e njëjta kategori

Perspektiva për të rritur produktivitetin në trojet shqiptare është e pashpresë për arsye se Kosova dhe Shqipëria kanë numrin më të lartë

Zbulohen të tjera detaje nga vendimi i paligjshëm për shembjen e godinës së Teatrit Kombëtar.

Shqipëria po shqyrton mundësinë që të legalizojë kultivimin e marijuanës mjekësore.

Reforma në drejtësi duhet të ecë përpara, hap pas hapi!

6 muaj nga tërmeti i 26 nëntorit, kryebashkiaku i Shijakut, Elton Arbana bën një bilanc të punës së bërë përgjatë këtyre muajve të vështi

Drejtoria e Përgjithshme e Shërbimit të Transportit Rrugor ka paralajmëruar autoshkollat që ushtrojnë aktivitetin e tyre se nëse nuk do t

Tërmeti i 26 nëntorit në Durrës shembi disa hotele dhe pallate, duke lënë pas një bilanc tragjik, 23 jetë të humbura.

Ministrja e Shëndetësisë dhe Mbrojtjes Sociale, Ogerta Manastirliu informon se në javën e parë të kthimit në normalitet të sistemit shënd

Opozita u angazhua sërish sot që të bëjë gjithçka sa i takon asaj për të përmbyllur reformën zgjedhore brenda datës 31 maj.

Më 29 maj mbyllet viti shkollor, një vit ky i pazakontë, i zhvilluar muajt e fundit online, për shkak të masave parandaluese për prekjen