Mjeku dhe eksperti i Shëndetit Publik, Erion Dasho, reagon pas vdekjes së mjekut Arian Pushi.
Sipas tij, i ndjeri ishte ndër mjekët e parë që mbanin maska dhe doreza që në momentin kur pandemia e Covid-19 nisi të përhapej në Kinë.
Eksperti Dasho citon edhe eksperten e ISHP, e cila në një studio televizive do të shprehej se, mjekët në QSUT infektohen “sepse kanë tangërllëk”.
Postimi i plotë:
PSE VDIQ ARJAN PUSHI?
Pardje një antare e Komitetit të “Ekspertëve” kur u pyet se përse infektohen mjekët në QSUT u përgjigj “sepse kanë tangërllëk”!!!
Dr. Arjan Pushi ishte ndër mjekët e parë në Shqipëri që nisi të mbante maskë dhe doreza. Në muajin janar kur SARS-CoV-2 mendohej se qarkullonte vetëm në Kinë (më vonë do të vërtetohej se ai kishte hyrë prej kohësh në Europë), Dr. Pushi nisi të aplikonte masat mbrojtëse dhe nuk i braktisi ato deri ditën e fundit në shërbim të pacientit.
Një pyetje kam sot për antarët e Komitetit të “Ekspertëve”:
PSE U INFEKTUA NGA COVID-19 KOLEGU JUAJ?!
