Punësimi sezonal, si mund të aplikoni për të punuar në SHBA

Postuar: 21/04/2017 - 09:26

Ambasada Amerikane në Tiranë shpall kriteret për Programin Veror të Punësimit, ku aplikimi për këtë program për 2017-ën ka nisur që prej datës 1 Mars.

Sipas Ambasadës “në vitet e mëparshme, nxënësit shqiptarë kanë udhëtuar në qytete të ndryshme në të gjithë Shtetet e Bashkuara, ku ata përjetuan kulturën amerikane me anë të Programit Veror të Punësimit. Ata nga ana tjetër ndanë kulturën dhe gjuhën e tyre me komunitetet pritëse dhe dhanë një përvojë reciprokisht të dobishme ndërkulturore në këmbim”, thuhet në njoftim.

Kriteret

Për të marrë pjesë në Programin Veror të vitit 2017 të Punësimit, aplikantët duhet të përmbushin kriteret e mëposhtme:

-Ata duhet të jenë studentë me kohë të plotë në një universitet të akredituar së fundmi, të cilët kanë përfunduar të paktën një semestër të vitit të parë të universitetit.

-Duhet të zotërojnë mirë gjuhën angleze dhe të kenë rezultate të mira shkollore.

-Çdo student duhet të jetë i aftë të demonstrojë se ai/ajo do të kthehet në Shqipëri në përfundim të programit. Studentët e vitit të fundit, mund të aplikojnë, por ata mund të kenë më shumë vështirësi për të dhënë prova të lidhjeve të mjaftueshme me Shqipërinë. Për ata që kanë ndjekur më pak se një vit universitet, koha e studimeve, mund të mos konsiderohet një investim i konsiderueshëm në shkollim aq sa të krijojë lidhje me Shqipërinë.

-Ata duhet të kenë një vend pune të konfirmuar në Shtetet e Bashkuara, në kohën e intervistës.

-Studentët me kohë të pjesshme, me korrespondencë, ashtu si edhe ata që ndjekin shkolla profesionale, ata që mësojnë në distancë, dhe shkolla të mesme për të rritur, nuk kualifikohen për Programin Veror të Punësimit.

-Ne nuk mund të miratojmë vizat e Programin Veror të Punësimit për studentët që nuk marrin pjesë në një institucion plotësisht i akredituar. Studentët që ndjekin programet e akredituara brenda institucioneve të pa akredituar nuk do të pranohen. Ambasada nuk mund të miratojë çdo aplikim që nuk i plotësojnë kriteret e mësipërme.

Që nga 24 dhjetori i 2015, vetëm studentë nga disa Institucione të Arsimit të Lartë mund të marrin pjesë në këtë program. Për më shumë informacion mund të merrni në https://al.usembassy.gov/sq/visas-sq/nonimmigrant-visas-sq/programi-vero...

Në përfundim thuhet se Ambasada do të vazhdojë të monitorojë zhvillimet në sistemin arsimor dhe të rishikojë këtë udhëzim si të nevojshëm.

/portali DurresLajm/

Na bëni like në facebook!: 

Lajme nga e njëjta kategori

   Kushdo që ëndërron drejtësi nga Gjykata e Lartë, nuk ndodhet në vitin 2018, por në vitin 2014, kohë në të cilën ka ngecur stoku i dosj

   Ambasada Amerikane në Tiranë pranon aplikime për praktikant në Zyrën e Marrëdhënieve me Publikun.

   Prokuroria pranë Gjykatës së Shkallës së Parë Elbasan ka përfunduar hetimet dhe ka depozituar në Gjykatën e Rrethit Gjyqësor Elbasan “

Grupi i këshilltarëve të LSI-së bëri dy propozime në Këshillin Bashkiak por asnjë prej tyre nuk u mor parasysh nga bashkia.

Disa vjedhje të ndryshme janë regjistruar në Durrës brenda 24 orëve, ku pre e hajdutëve kanë rënë banesa e subjekte private biznesi.

Personi që shihni në foto është Bledar Jambelli, ose i quajtur edhe ndryshe Rikardo Muho.

Armand Teliti, kreu i këshilltarëve demokratë i cili u ndesh "dhëmb për dhëmb" me kryebashkiakun Vangjush Dako përgjatë gjithë mbledhjes

Presidenti i Këshillit Europian, Donald Tusk, ka mbërritur në Tiranë dhe është pritur me një ceremoni zyrtare nga kryeministri Edi Rama.

Avokati i Nezar Seitit mohon që klienti i tij të ketë deklaruar se do të bashkëpunojë me drejtësinë italiane.

Ish-truproja i Sali Berishës i akuzuar për vrasjen e Azem Hajdarit, ka lajmëruar se është vetëdorëzuar në policinë turke.