Raporti: Si po ndryshon tregu i kokainës në Europë, roli i korrierëve shqiptarë dhe call centerave në Ballkan

11/01/2019 - 14:00

Qendra Europiane e Monitorimit të Drogave (EMCDDA) ka publikuar së fundmi raportin për ndryshimin në tregun e kokainës së Europës, ku ndër të tjera flet për një rritje të rolit të karteleve të Ballkanit në transportin e kokainës nga Amerika e Jugut në Europë. Ndërsa korrierët shqiptarë theksohet se janë pjesë e shpërndarjes inovative të kokainës përmes call center që janë të vendosur fizikisht në vendet e Ballkanit Perëndimor

Raporti konstaton se të ashtuquajturat kartelet e Ballkanit janë bërë më të dukshme në Amerikën Jugore gjatë viteve të fundit. Organizatat e Ballkanit janë zhvilluar në rrjete moderne dhe dinamike kriminale dhe janë përgjegjës për transportin, financimin dhe shpërndarjen e sasive të mëdha të kokainës nga Amerika e Jugut në Europë. Aftësia e tyre  për të patur aksesin e kokainës, afër apo direkt nga burimi, e kombinuar me praninë në portet kryesore europiane, ka dhënë efekt në kapacitetet e tyre për të kontrolluar tregun fundor të furnizimin me kokainë.

Sipas raportit, së fundmi janë shfaqur metoda inovative për furnizimin e konsumatorëve me kokainë nëpër Europë. Raportohet se janë në veprim “call center”, të cilat janë të dedikuara për shpërndarjen e kokainës në disa pjesë të Belgjikës. Call Center-at gjithsesi janë të vendosura fizikisht në shtetet e Ballkanit Perëndimor dhe Spanjë. Konsumatorët belgë porositin një dërgesë përmes një numri telefoni qendror dhe më pas korrierët që veprojnë në territorin kombëtar, nga i cili bëhet porosia, e dorëzojnë me shpejtësi dërgesën në vendin e specifikuar. Këta korrierë rezultojnë se janë shumë të vështirë për t'u investiguar apo për tu gjendur, pasi ka një numër të latë korrierësh ta padokumentuar që udhëtojnë për një kohë të shkurtër në Belgjikë dhe më pas kthehen, për shembull në Shqipëri. Raportet tregojnë se gjatë këtyre periudhave të shkurtra një korrier mund të shesë deri në 1 kg kokainë në javë mesatarisht.

Tregu i kokainës

Sasia e kokainës e konfiskuar në mbarë botën në vitin 2016 arriti në 1 129 tonë, një rritje prej 23% në vitin e kaluar dhe niveli më i lartë i raportuar ndonjëherë (sipas raportit të UNODC, 2018). Tregjet kryesore të konsumit për kokainë janë Amerika e Veriut dhe Evropa perëndimore dhe qendrore. Amerika e Veriut (Shtetet e Bashkuara dhe Kanadaja) mbetet tregu më i madh në botë i kokainës, ku jetojnë më shumë se një e treta (34%) e të gjithë përdoruesve të kokainës. Në vitin 2016, Shtetet e Bashkuara ishin vendi kryesor i destinacionit për dërgesat e kokainës që u nisën nga Amerika e Jugut, rajoni kryesor i prodhimit të kokainës në botë.

Evropa është tregu i dytë më i madh për kokainën, me një treg të vlerësuar me pakicë me vlerë vjetore me vlerë të paktën 5.7 miliardë euro (EMCDDA, 2018). Megjithatë, gjetjet nga Raporti i fundit i Drogës Botërore (UNODC, 2018) tregojnë se rritja më e madhe e sasive të kokainës të konfiskuar në vitin 2016 ndodhi jashtë këtyre dy tregjeve kryesore të destinacionit të kokainës, duke konfirmuar përhapjen e vazhdueshme të trafikimit të kokainës në tregjet në zhvillim

Rritet konkurrenca mes grupeve në Europë

Rritja e fluksit të kokainës drejt Evropës duket se është lehtësuar nga përfshirja e një numri më të madh të grupeve të krimit të organizuar.

Ndërsa grupet italiane (Ndrangheta dhe Camorra) ende mbajnë një pozicion të fortë në biznesin ndërkombëtar të trafikimit të kokainës, vitet e fundit kanë dalë edhe  lojtarë të rinj.

Grupet italiane tashmë njiheshin se kishin vendosur lidhjet e tyre të trafikimit drejtpërdrejt me vendet burimore në Amerikën e Jugut (McDermott, 2018).

Megjithatë, grupet e tjera të krijuara ose në zhvillim evropiane që më parë kishin fituar kokainën e tyre nga italianët, kanë ngritur kohët e fundit linjat e tyre të trafikimit. Ata tani sigurojnë kokainën direkt për tregjet e tyre kombëtare nga vendet burimore, gjë e cila ndikon në çmimet e kokainës, duke hequr ndërmjetësuesit.

Grupet e Inteligjencës pranë Europol sugjerojnë se disa grupe krimi britanike, holandeze, irlandeze, italiane dhe spanjolle janë zhvilluar në ndërmjetës të rëndësishëm në tregtinë e kokainës në këtë mënyrë.

/Monitor

/portali DurresLajm/

Na bëni like në facebook!: 

Lajme nga e njëjta kategori

Qytetarët e Durrësit janë të dyjëzuar, ndërsa nuk mungojnë as personat indiferentë, përsa i përket situatës së nxehtë në të cilën ndodhet

Gjykata Administrative e Apelit vendosi të enjten në dhomën e këshillimi t’i hapë rrugën përfundimit të projektit “Veliera”, duke pushuar

Një grup mbështetësish të PD-së, janë grumbullua për të pritur me protestë kryeministrin Edi Rama në Gjirokastër. 

Disa zona në Tiranë do të jenë pa energji elektrike sot, për shkak të punimeve që po bëhen për instalimin e rrjetit 20 kv në një kabinë q

Këshilli i Lartë i Prokurorisë është mbledhur për të diskutuar edhe kërkesën e grupeve parlamentare të opozitës për shkarkimin e Arta Mar

Ish-zëvendësministri i Arsimit, Taulant Muka, vijon me denoncimet e tij lidhur me plagjiaturat në doktoratura apo artikuj shkencorë.

Polici nga Dukagjini Berhan Bajrakurti, me gjasë pritet të lerë qelinë ditën e sotme pasi ka rezultuar se personi që ai ka bërë filmimin

Vijojnë kontrollet për evidentimin dhe ndëshkimin e rasteve të zhvillimit të palejuar të lojërave të fatit.

Ardhja e një sistemi vranësirash do të kushtëzojë mot me vranësira të shpeshta dhe alternime kthjellimesh në pjesën më të madhe të vendit