Reagimi i ashpër i Isterit pas vendimit të KB Durrës: Po tallen me biznesin, nëse nuk reflektojnë do të ketë protesta! (VIDEO)

10/04/2020 - 15:57

Një ditë pas miratimit nga Këshilli Bashkiak Durrës të shtyrjes së pagesës së taksave vendore për bizneset e mbyllura për shkak të koronavirusit, reagon ashpër kreu i Dhomës së Tregtisë dhe Industrisë, Alban Isteri.

Në një prononcim për DurrësLajm, Isteri e konsideron tallje vendimin e një dite më parë, pasi sipas tij nga ai përfitojnë vetëm 5% e totalit të bizneseve në të gjithë qarkun e Durrësit, biznese këto që kontribuojnë në buxhetin e bashkisë në një përqindje shumë të ulët, ndërkohë që mbi 90% e bizneseve të tjera, pavarësisht se nuk punojnë ose kanë rënie drastike të xhiros, duhet të derdhin paratë në arkën e shtetit.

“E konsiderojmë vendimin e djeshëm të Këshillit Bashkiak një tallje për biznesin që është kontribuesi më i madh në arkën e pushtetit vendor. Në këto ditë të vështira prej pandemisë Covid-19, biznesi durrsak po tregohet mjaft solidar dhe po ndihmon në forma të ndryshme shtresat në nevojë, ndërkohë që shtyrja e taksave vetëm për bizneset e mbyllura është një pikë uji në oqean për sipërmarrjen private”- tha Isteri.

Për kreun e Dhomës së Tregtisë dhe Industrisë Durrës, biznesi në qytetin bregdetar është në vdekje klinike, pasi ka marrë dy goditje të forta në harkun e 4 muajve, tërmetin shkatërrimtar të 26 nëntorit dhe tani pandeminë e koronavirusit. Sipas Isterit, biznesi është shumë i revoltuar me sjelljen e qeverisë dhe paketën ndihmëse të ofruar deri tani. Pavarësisht se kryeministri Rama ka paralajmëruar një paketë B ndihmë për biznesin, sipërmarrjet private janë mjaft skeptike. Për shumë prej tyre, nëse qasja populiste e qeverisë nuk ndryshon, edhe reagimet e biznesit do të jenë të forta, ku nuk përjashtohen edhe protestat.

“Nëse vijohet me të njëjtën qasje populiste nga ana e qeverisë, biznesi do të marrë masa më drastike, që nuk do donim t’i ndërrmerrnim, pasi kërkojmë gjithnjë zgjidhje me qeverinë. Nëse kërkesat tona bien në vesh të shurdhët, nuk përjashtohen edhe protestat” – tha Isteri.

Kreu i Dhomës së Tregtisë dhe Industrisë Durrës nënvizoi gjithashtu se paketat në ndihmë të biznesit në vendet fqinje si Kosovë apo Maqedoni e Veriut janë një mbështetje e fortë për sipërmarrjet private atje, ndërkohë që qeveria Rama me deklaratat populiste “Shisni jahtet apo vilat” po sillet ndaj biznesit si ndaj një armiku.

Pak ditë më parë, Dhoma e Tregtisë dhe Industrisë Durrës së bashku me Dhomat e Tregtisë të shumë qyteteve dhe shoqatat e tjera të Sipërmarrjeve Private, i dërguan një shkresë zyrtare kryeministrit Edi Rama, ministres së Financave Anila Denaj, ministrit të Shtetit për Mbrojtjen e Sipërmarrjes, Eduard Shalsi dhe ministrit për Rindërtimin, Arben Ahmetaj, ku i kërkuan marrjen e 8 masave mbështetëse për sipërmarrjen, e cila sipas tyre po i drejtohet kolapsit.

Dhomat e Tregtisë dhe Shoqatat e Sipërmarrjes Private kërkonin ndërhyrjen nga ana e qeverisë me një paketë të detajuar financiare, kurajoze dhe të zgjuar.

Letra drejtuar qeverisë dhe ministrave të linjës:

/portali DurresLajm/

Video: 
Na bëni like në facebook!: 

Lajme nga e njëjta kategori

Sipas MeteoAlb, vendi ynë në pjesën e parë të ditës mbetet me alternime kthjellimesh dhe vranësirash kalimtare, të cilat gjenerojnë reshj

Edhe pse situata e Covid-19 në Shqipëri paraqitet e qëndrueshme, gjatë një interviste ne emisionin “Opinion”, Ministrja e Shëndetësisë Og

Ambasadorja e Shteteve të Bashkuara të Amerikës në Tiranë, Yuri Kim, ka reaguar pas përfundimit të mbledhjes 4-orëshe të Këshillit Politi

Durrësi e ka humbur vendin e dytë pas kryeqytetit përsa i përket rëndësisë që qyteti bregdetar ka në rritjen ekonomike në shkallë vendi.

Pas nismës nga qeveria në lidhje me përgjimet nga policia pa autorizimin e prokurorit, ka reaguar Komitetit Shqiptar i Helsinkit

"Aleanca për Mbrojtjen e Teatrit" stacionin e radhës për firmosjen e peticionit e ka pasur në Lushnje.

Mjeku Pëllumb Pipero, i cili i bë shumë popullor gjatë pandemisë nga koronavirusi, me këshillat që jepte për qytetarët është shpallur “Qy

I ftuar mëngjesin e sotëm në emisionin "Ditë e Re" në RTV Ora, drejtori i Urgjencës Kombëtare, Skënder Brataj ka treguar vështirësitë me

Prokuroria e Tiranës ka thirur sot në pyetje tre specialistët e Institutit të Ndërtimit, që përpiluan akt-ekspertizën dhe dolën në konklu