Reforma Zgjedhore, kreu i OSBE-së ngre “alarmin”

21/11/2018 - 17:08

Kryetari i Prezencës së OSBE-së në Shqipëri, ambasadorit Bernd Borchardt interesimit të gazetarëve për reformën zgjedhore, situatën në KQZ dhe paketën antishpifje iu përgjigj se mbrojtja e dinjitetit kundrejt shpifjes të mos bëhet përmes Kodit Penal.

Duke folur për reformën zgjedhore ai u shpreh se puna ka mbetur mbrapa dhe se është shumë vonë duke ditur që zgjedhjet lokale janë shumë afër.

Komisioni Qendror i Zgjedhjeve ka filluar punën për përgatitjen e zgjedhjeve të 30 qershorit me kodin ekzistues. Puna në komisionin bipartizan për reformën zgjedhore ka ndaluar. A mendoni se ka kohë ende që të integrohen rekomandimet e OSBE/ODIHR-it dhe zgjedhjet vendore të bëhen me standardet që kërkohen nga OSBE/ODIHR-i?

Ambasadori Borchardt: Fillimi i punës nga KQZ-ja nuk do të thotë se reforma zgjedhore ka marrë fund. Ajo ende mund të miratohet. U gëzova shumë kur dëgjova nga kryetari i Partisë Demokratike që Partia Demokratike do të vazhdojë të marrë pjesë në komisionin e posaçëm për reformën zgjedhore. Megjithatë, koha po ikën. Disa çështje mund të rregullohen në një fazë disi të vonë, por çështje të tjera si depolitizimi i komisioneve zgjedhore apo çështje që shkojnë përtej rekomandimeve të OSBE/ODIHR-t, si për shembull votimi elektronik dhe teknologjitë e reja të votimit në përgjithësi, kanë nevojë për kohë në mënyrë që të bëhen përgatitjet, të trajnohen njerëzit dhe të informohen zgjedhësit. Sa u takon këtyre çështjeve, jemi që tani shumë vonë.

Pyetje: Z. Ambasador, kemi një situatë, të themi, jo normale në përbërjen e KQZ-së. Afati për partitë opozitare politike për caktimin e kandidatëve për anëtarëve të tyre në KQZ ka kaluar. Si do ta konsideronit këtë situatë dhe a mundet KQZ-ja në mungesë të anëtarëve të propozuar nga opozita të vijojë punën për përgatitjen e zgjedhjeve? A do të ishin zgjedhjet me standarde?

Ambasadori Borchardt: Keni pasur edhe më herët zgjedhje, ku KQZ-ja ka pasur vetëm katër anëtarë, ndërsa tani ka pesë. Thënë kjo, kjo situatë është sigurisht për të ardhur keq. Kjo do të thotë që nuk përdoren të gjitha të drejtat kushtetuese dhe ligjore.

Pyetje: A do të ishit dakord për paketën antishpifje të propozuar nga kryeministri Rama?

Ambasadori Borchardt: Sapo e theksova edhe në fjalimin tim se marrja e masave kundër shpifjes nuk është diçka e keqe në vetvete. Nga njëra anë, kemi të drejtën e njeriut, lirinë e shprehjes, nga ana tjetër kemi të drejtën e mbrojtjes së dinjitetit. Ne japim dy rekomandime thelbësore në këtë fushë: njëri është që mbrojtja e dinjitetit kundrejt shpifjes të mos bëhet përmes Kodit Penal; ndërsa rekomandimi i dytë është që kjo vijë e hollë ndarëse midis këtyre dy të drejtash të përcaktohet bazuar në jurisprudencën e Gjykatës Evropiane të të Drejtave të Njeriut dhe në bazë të praktikave më të mira evropiane.

/portali DurresLajm/

Na bëni like në facebook!: 

Lajme nga e njëjta kategori

Pak orë përpara protestës së opozitës së bashkuar, Ambasada Italiane u ka bërë thirrje qytetarëve që të shmangin grumbullimet dhe turmat

Banorët e Unazës së Durrësit kanë protestuar duke kërkuar vendosjen e një mbikalimi që i ndihmon ata për të kaluar nga njëra anë e rrugës

Ministrja e Infrastrukturës dhe Energjisë, Belinda Balluku paralajmëroi së fundmi planet e afërta të qeverisë “Rama” për dhënien me konce

Pjesa e parë e ditës do të dominohet nga mot kryesisht i kthjellët në të gjithë vendin, por në zonat malore herë pas here do të ketë kali

Krahas vizitës në bashkinë e Durrësit dhe PS-në lokale, ministrja e Arsimit Besa Shahini ka zhvilluar një takim edhe në UAMD.

Përfaqësues të Strukturës së Investimeve për Ballkanin Perëndimor ( WBIF), Komisionit Europian dhe BERZH, kanë zhvilluar një vizitë në Po

Pavarësisht nga disa informata se Paketa e Zgjerimit 2019 do të shtyhet, Ballkani Perëndimor Evropian zbulon se miratimi dhe publikimi i

Ministria e Arsimit, Besa Shahini, ka zhvilluar pasditen e sotme një takim në selinë e Partisë Socialiste në Durrës për të diskutuar mbi

Dyzet të rinj nga i tërë Ballkani Perëndimor u mblodhën, më 23 maj 2019, në Tiranë, për të marrë pjesë në “Shtigje Rinore 2019”.

Më 26 maj në Itali do të zhvillohen zgjedhjet administrative, datë kjo që përkon me zgjedhjet në parlamentin europian.