Lagjja nr.18 e Durrësit si gjithnjë nën pushtetin e ujit! Pamjet filmike që sjell operatori i “DurrësLajm” dëshmojnë se uji është ngritur deri në nivelin e trotuareve te zona rreth e rrotull stadiumit, ku është e vështirë për automjetet që të kalojnë aty, ndërsa për këmbësorët thjesht e pamundur…

Prej dy ditësh, Durrësi ashtu si dhe mbarë vendi, është përfshirë nga moti i keq me erë të fortë dhe reshje shiu.

Rrebeshet e shiut që po bien pa ndërprerë këtë të diel, janë intensifikuar shumë sidomos mbrëmjen e sotme duke rikthyer edhe njëherë problematikën e përhershme të rrugëve të qytetit, rikthimin e Durrësit në një Venecia të vogël.