Qeveria shqiptare ka firmosur sot marrëveshjen me Fondacionin Firdeus me përfaqësues Elvis Naçin, për rindërtimin e 168 banesave individuale në Thumanë, të dëmtuara rëndë nga tërmeti i 26 nëntorit.
Në një postim në Facebook, ministri i Rindërtimit, Arben Ahmetaj shkruan se janë 9 milionë e 50 mijë euro donacione nga “Shqiptarët për shqiptarët” nga kjo marrëveshje ndërsa qeveria ka shtuar 5.7 milionë dollarë për rindërtimin e infrastrukturës në Thumanë.
POSTIMI I AHMETAJT
Nënshkrimi i Marrëveshjes me Fondacionin Firdeus, një tjetër gur i rëndësishëm në themel të rindërtimit.
9 milionë e 50 mijë euro donacione nga shqiptarët për shqiptarët, do të shkojnë për rindërtimin e 168 banesave individuale në Thumanë, e në varësi të nevojës, edhe në njësi të tjera brenda zonës së dëmtuar nga tërmeti i 26 nëntorit.
Ndërkohë qeveria ka avancuar 5.7 milion dollarë për rindërtimin e infrastrukturës në Thumanë dhe përgatitjen e terrenit për rindërtimin e banesave, ku shumë shpejt Firdeus do të fillojëte hedhë themelet e para.
