Sipas Shërbimit Meteorologjik Ushtarak, nga dita e hënë do të nisin reshjet e shiut ndërsa thekson se në jugperëndim do të ketë rrebeshe.
Pas mesditës të së hënës, deri të martën në mbrëmje, do të vijojë situatë e qëndrueshme. Reshjet do të rikthehen kryesisht të mërkurën, në formën e rrebesheve, më tepër në jug e lokalisht në zonat e ulëta me shkarkesa elektrike.
Në zonën e Alpeve dhe Gramozit, majat e maleve do të mbulohen nga bora. Gjatë së enjtes e të premtes përgjithësisht moti do të jetë i qëndrueshëm, por reshjet e shiut do të marrin hera herës karakter lokal.
Era dominuese jugore, gjatë gjithë kësaj periudhe që po lemë pas, gradualisht do të dobësohet prej mesditës së të hënës, duke sjellë dhe rënie të dallgëzimit.
