Rrezikonte të lëndonte kalimtarët, banorët e pallatit në qendër të Durrësit ndërhyjnë vetë për të shembur suvanë

09/12/2019 - 18:51

Në ditët e para pas tërmetit shkatërrimtar të 26 nëntorit, policia bashkiake pati rrethuar me shiritin bllokues ish-godinën e hetuesisë në lagjen nr.3 të qytetit. Kjo për shkak se prej tërmetit ajo kishte pësuar dëme të mëdha, kjo edhe për shkak të amortizimit gjatë viteve.

Por shiriti bllokues qëndroi vetëm ditët e para dhe më pas u hoq. Siç shpjegojnë vetë banorët e pallatit për DurrësLajm, shiriti u hoq nga pronarët e bizneseve që ushtrojnë aktivitetin e tyre në katin e parë të godinës dhe të pallatit ngjitur me ish-hetuesinë.

Pavarësisht ankesave të vazhdueshme të banorëve të pallatit 10 katësh, të cilët i tremben dëmeve të shumta të godinës shumë vjeçare dhe faktit se ajo është mbështetur me pallatin shumëkatëësh, shiriti bllokues nuk është rivendosur më.

Për shkak se një pjesë e suvasë së ish-hetuesisë rrezikonte të binte, kanë qenë vetë banorët e pallatit ngjitur që kanë ndërhyrë për ta shembur, para se të shkëputej vetë dhe të lëndonte kalimtarët, apo personat që frekuentojnë lokalin ngjitur.

Shembja është bërë pasditen e sotme dhe ishin lajmëruar bizneset aty ngjitur. Në momentin e shembjes aty nuk kishte kalimtarë, pasi zona ishte rrethuar.

“Bashkia është lajmëruar 3 herë pas tërmetit të 21 shtatorit dhe mbi disa herë pas tërmetit të fundit. Konkluzioni, kishin vendosur një shirit të kuq të cilin në çmendurinë e tyre e kanë hequr lokalet poshtë dhe duke qenë se njerëzit kalonin nën godinën shumë të dëmtuar, atëherë u detyruan vetë njerëzit e pallatit të ndërhynin”,- tregon për DurrësLajm një nga banorët e zonës.

Banorët fajësojnë bashkinë se me mos marrjen e masave të nevojshme rrezikonte të shkaktonte persona të lënduar nëse suvaja e dëmtuar do të shkëputej vetë.

/portali DurresLajm/

Video: 
Na bëni like në facebook!: 

Lajme nga e njëjta kategori

Ish-deputeti i PS-së, Fatmir Toçi, po qëndron prej më shumë se një muaj në spitalin "Shefqet Ndroqi" për t'u rikuperuar nga pasojat që i

Interpol Tirana me anë të një deklarate për mediat shprehet se janë ekstraduar drejt Italisë, 9 persona, që janë arrestuar në Shqipëri pë

Shefi i Urgjencës Kombëtare, Skender Brataj, ka postuar disa fotografi ngjethëse, për të treguar rëndësinë që ka respektimi i masave për

Qeveria ka miratuar dhënien e 5,191 pagave shtesë për punonjësit e Transportit Rrugor të Udhëtarëve. Lajmin e ka bërë të ditur vetë kryem

Ish-ministri i Shëndetësisë Ilir Beqaj ka ngritur shqetësimin për situatën në jug të vendit.

Qeveria shqiptare ka firmosur sot marrëveshjen me Fondacionin Firdeus me përfaqësues Elvis Naçin, për rindërtimin e 168 banesave individu

Një ngjarje e rëndë ndodhi mesditën e sotme në Durrës, ku një 10-vjeçar nga Kosova humbi jetën në pishinën e një kompleksi.

Ministria e Shëndetësisë ka përditësuar të dhënat lidhur me situatën e Covid-19 në vendin tonë.

Zëvendës ministrja e Shëndetësisë Mira Rakacolli, uroi që spitalet Covid3 e Covid4 të mos hapen, dhe pse përgatitjet për skenarët më të k

Shtetasit Lulzim Osmani, 70 vjeç paraditen e sotme i kanë mbërritur përmbaruesit privat që të lironte banesën ku ishte strehuar nga shtet