Rritet çmimi i abonesë mujore në Durrës, çfarë thanë në mbledhjen e KB-së anëtaret që votuan kundër

30/10/2020 - 14:51

Këshilli Bashkiak Durrës ka kaluar me shumicë votash pikën nr.5 të rendit të ditës që kishte të bënte me rritjen e çmimit të abonesë mujore për 6 linjat e transportit urban në qytetin bregdetar.

Po ndërsa 31 këshilltarë bashkiakë shprehën me votën e tyre dakordësinë për rritjen e çmimit të abonesë për një linjë në vlerën 1200 lekë (ishte 900 lekë) dhe 1600 lekë për abonenë për të gjitha linjat (ishte 1200 lekë), 4 këshilltarë (Flutura Kasa, Violeta Muhedini, Morena Boja dhe Etleva Velçani) votuan kundër kësaj pike.

Dy këshilltaret Flutura Kasa dhe Violeta Muhedini votuan kundër dhe shpjeguan në mbledhje edhe arsyet e kësaj vote kundërshtuese.

Sipas Violeta Muhedinit dhe Flutura Kasës, rritja e çmimit të abonesë mujore prek drejtpërdrejt xhepat e qytetarëve durrsakë që përdorin transportin urban, ndërkohë që ky shërbim lë për të dëshiruar.

“Unë i heq çdo ditë në kurriz, çdo ditë e prek me familjen time shërbimin e transportit urban. Në autobuzë nuk ka shërbim për invalid. Ka shumë njerëz si unë që udhëtojnë dhe presin abonenë. Kam një invalid në shtëpi dhe kur udhëton me autobuz nuk i njihet karta e invaliditetit.” – tha njëra prej këshilltareve.

Ndërkohë, kryetari i Këshillit Bashkiak Ani Dyrmishi shpjegoi se rritja e çmimit të abonesë mujore lidhet me rritjen e çmimit të biletës, që u realizua në korrik 2019. Sipas Dyrmishit, tani po bëhet vetëm indeksimi i vlerës së abonesë mujore.

E vetmja që nuk pësoi ndryshim nga 3 abonetë mujore që përdoren në transportin publik në Durrës është aboneja e studentit, që mbetet në vlerën 600 lekë.

Rritja e çmimit të biletës së transportit urban në Durrës nga 30 lekë në 40 lekë të reja hyri në fuqi më 1 korrik 2019, vetëm një ditë pas zgjedhjeve të 30 qershorit, të shumëkontestuara për shkak të bojkotit të tyre nga ana e opozitës.

M.B.

/portali DurresLajm/

Na bëni like në facebook!: 

Lajme nga e njëjta kategori

Petrit Prifti, xhaxhai i 32-vjeçarit Silvi Priftii cili rezulton i zhdukur që nga dita e djeshme kur hyri në det për peshkim, ka dhënë de

“Nata e Bardhë”, e cila tashmë është bërë traditë për kryeqytetasit, nuk mungoi as këtë vit të vështirë për shkak të pandemisë.

Arqipeshkëvia Metropolitane Tiranë – Durrës, njofton se Imzot George Frendo është shëruar nga koronavirusi.

Ministria e Shëndetësisë njofton se gjatë 24 orëve të fundit janë kryer 2.253 testime, prej të cilave 133 janë testime janë kryer për ars

Një tjetër mjek ka humbur jetën. Është ndarë nga jeta sot në moshën 67- vjeçare mjeku pediatër nga Kavaja, Hidajet Deda.

Vijojnë kontrollet nga Policia e Durrësit për parandalimin e përhapjes së COVID-19.

Policia e Durrësit dhe polumbarët janë vënë kërkim të një 32-vjeçari, i cili ka humbur kontaktet që nga dita e djeshme kur hyri në det pë

Shqipëria përkujton sot 76-vjetorin e çlirimit nga pushtuesit nazifashistë në Luftën e Dytë Botërore.

Vendi ynë sot do të mbizotërohet nga alternime kthjellimesh dhe vranësirash duke sjellë një mot të vranët dhe me reshje në të gjithë terr

Shqiptarët renditen të dytët në Itali sa i përket numrit të punëtorëve të rregullt e që kontribuojnë në sigurimet shoqërore.