Një pjesë të konsiderueshme të buxhetit të këtij viti, bashkia e Durrësit e ka planifikuar për ta përdorur për rikonstruksionin e akseve rrugore brenda në qytet, si dhe ato që lidhin njësitë administrative.
Janë rreth 459 milionë lekë që do të përdoren për 17 akse rrugore, për disa prej të cilave kanë nisur edhe procedurat e tenderimit. Nga një vëzhgim që “DurrësLajm” bëri në faqen e Agjencisë së Prokurimit Publik rezulton se janë 6 rrugë për të cilat është hapur tenderi, respektivisht rruga “Tepelena, “Shën Pjetër”, “Shkumbini”, “Danubi” si dhe dy në njësitë administrative Manzë dhe Katund i ri.
Një pjesë e buxhetit të sektorit të transportit, rreth 20 milionë lekë, do të shkojnë për sinjalistikën rrugore.
Rrugët që do të rikonstruktohen gjatë vitit 2021:
- Rikonstruksion rruge NJA Sukth 30 mln lekë
- Rikonstruksion rruge NJA Manzë 30 mln
- Rikonstruksion rruge NJA Katund i Ri 20 mln
- Rikonstruksion rruge NJA Ishëm 20 mln
- Rikonstruksion rruga “Danubi” 60 mln
- Rikonstruksion rruga “Shkumbini” 60 mln
- Rikonstruksion rruga “Shën Pjetër” 60 mln
- Rikonstruksion rruga “Tepelena” 60 mln
- Rikonstruksion rruga paralel me hekurudhën-Plazh 40 mln
- Rikonstruksion rruga “Kastrioti 15 mln
- Rikonstruksion rruga “Syri i detit” 8 mln
- Rikonstruksion Rruga e Ohrit (loti II) 51 mln
- Rikonstruksion rruga “Kashta e kumtri” (loti II) 51 mln
- Rikonstruksion rruga “Dervish Hima” 15 mln
- Rikonstruksion rruga “Papa Klementi I” 22 mln
- Rikonstruksion rrugë të brendshme në plazh 5 mln
- Rikonstruksion rruga “Shekspiri” 5 mln