Sezoni turistik dhe emigrantët rëndojnë trafikun në Durrës (VIDEO)

08/08/2019 - 11:50

Qyteti bregdetar i Durrësit kthehet gjatë stinës së nxehtë të verës në kryeqendrën e pushuesve, kjo ka filluar të pasqyrohet jo vetëm në bregdet, por edhe në shtimin e numrit të lartë të automjeteve që lëvizin në çdo kohë në rrugët e qytetit.

Sezoni turistik dhe kthimi i emigrantëve ka rënduar trafikun në rrugët që përshkojnë Durrësin. Vështirësitë më të shumta janë në rrethrrotullimin e stacionit të trenit pasi në këtë aks rrugor ka disa degëzime të cilat bëjne lidhjen e zonave të ndryshme.

Prej paradites dhe deri pasdite, piku i trafikut është i njëjtë me atë gjatë fundjavës. Lëvizja në rrugët kryesore të qytetit me automjete ka filluar të vështirësohet edhe nga prezenca e numrit të lartë të këmbësorëve të cilët përpiqën të përfundojnë punët e tyre gjatë orëve të para të paradites.

Krahas numrit të lartë të automjeteve, shkak për këtë rëndim të trafikut janë edhe mungesa e rrugëve alternative kryesisht në hyrje-daljet drejt qytetit, si dhe për shkak të punimeve që vazhdojnë në disa prej akseve kryesore në qytet. Duke mos mjaftuar këto elemente, mos respektimi i sinjalistikës rrugore dhe kundravajtjet e shumta sjellin një rëndim të metejshëm të situatës, ndërsa policia rrugore e ka të pamundur për të disiplinuar lëvizjen në të gjitha segmentet problematike.

Megjithëse ka pasur shtim të patrullave dhe kontrolleve nga ana e policisë rrugore, sërish fenomeni i trafikut në Durrës vazhdon të përsëritet. Ditët në vijim pritet të sjellin edhe më shumë emigrantë në vendin tonë, gjë e cila përkthehet automatikisht në shtim edhe të numrit të automjeteve.

Bëhet me dije nga ana e punonjësve të policisë së qytetit të Durrësit, se gjatë kësaj kohe dhe në ditët në vijim do të shtohen strukturat e shërbimit, duke manovruar situatën jo vetëm në rrugët kryesore të qytetit, por edhe më gjerë. Edhe përgjatë kësaj periudhe, të paktën emigrantët të cilët kanë mbërritur në atdhe duhet të tregojnë kujdes, pasi shkeljet kryesore siç janë ecjet tej normave të shpejtësisë, konsumimi i pijeve alkoolike, parkimet e gabuara të cilat bëhen shkak për një ngarkesë në trafik do të ndëshkohen duke mos u marrë parasysh asnjë justifikim i dhënë prej tyre.

K.H.

/portali DurresLajm/

Video: 
Na bëni like në facebook!: 

Lajme nga e njëjta kategori

Gjykata e Posaçme Apelit ka caktuar datën 9 prill për seancën e ish- ministrit të brendshëm Saimir Tahiri.

Në vijim të komunikimit të përditshëm, Ministria e Shëndetësisë bën me dije se vazhdon puna në terren për identifikimin e rasteve të reja

Veliera luksoze “Maltese Falcon” është ankoruar mëngjesin e sotëm në kalatën nr.5 të portit të Durrësit. 

Edhe pse jemi në gjendje lufte për shkak të koronavirusit, duket sikur durrsakët ecin me parimin se “rregullat janë bërë për t’u thyer”!

Presidenti i PE, David Sassoli i është drejtuar me një letër kryeparlamentarit shqiptar Gramoz Ruçi dhe homologëve të tij të Ballkanit Pe

Ministrja e Shëndetësisë, Ogerta Manastirliu ka njoftuar se pas mbërritjes së pesë respiratorëve të rinj në spitalin COVID 2 "Shefqet Ndr

Drejtori i Përgjithshëm i Policisë së Shtetit, Ardi Veliu ka falenderuar gjithë policët për angazhimin e tyre në luftën kundër koronaviru

Ambasada e SHBA në Tiranë flet sërish për Reformën në Drejtësi, teksa ndalet te viktimat e krimit.

Policia e Durrësit vijon kontrollet në zbatim të masave kufizuese të shpallura nga qeveria shqiptare, për vënien në kontroll të pasojave

“Do të vazhdojmë të xhirojmë dhe transmetojmë leksione të arsimit parauniversitar në RTSH, si dhe mësuesit përmes platformave të ndry