Ministria e Arsimit ka vendosur t’i heqë licencën shkollës private “Udha e Shkronjave”, e cila mbylli dyert për dy javë nga frika e koronavirusit.
Lajmi e dha ministrja Shahini përmes një postimi në Facebook, shkruan se udhëheqësit e kësaj shkolle, që sipas saj po përhapin panik për një virus që nuk ekziston në Shqipëri, duhet të ndiqen nga organet e drejtësisë.
“Shkolla mbyllet jashtë planit të vitit shkollor VETËM me urdhër ministri. Udhëheqësit e një shkolle private kishin vendosur të mos respektonin këtë dhe e kanë mbyllur shkollën për 2 javë. Në kushte të kësaj paligjshmërie, jemi të detyruar që shkollës t’ia heqim licencën.
Nxënësit do të transferohen në një shkollë tjetër. Ndërsa udhëheqësit e shkollës që përhapin panik duke mbyllur shkollën në mënyrë të jashtëligjshme, për gjoja parandalim të një situate virale e cila NUK ekziston në Shqipëri, duhet të ndiqen nga organet e drejtësisë,” njoftoi ministrja Shahini.
