Shoqata e Infermierëve: Ja si mund të shpëtoni nga rrymat nënujore në bregdet

Postuar: 15/07/2018 - 11:19

Shoqata e Infermierëve të Shqipërisë duke parë situatën e në bregdetin në vend, ku në fillim të këtij sezoni ka pasur disa viktima ka botuar një shkrim ku tregon se si mund të shpëtojmë nga rrymët në det.

Shoqata me anë të një shkrimi të botuar në Facebook, tregon disa detaje të rëndësishme në lidhje me rrymat nënujorë në bregdet.

"Çdo vit humbin jetën rreth 40 000 pushues në botë, si pasojë e rrymave të ujit në bregdet. Ato krijohen çdo kund, në çdo plazh dhe nuk shihen me sy. Shkaktar janë erërat që fryejnë në drejtim të bregut të detit, relevi i ndryshuar i rërës nën sipërfaqen e ujit, apo shkëmbinjët për rreth, ku thehen valët. Rrymat e tilla janë të njohur me emrin “Rip Currents” në anglisht. Në bregdetin shqiptar këtë vit kanë humbur jetën një varg qytetarësh në mungesë të njohurive, naivitetit apo mbivlerësimit të forces së tyre personale. Kësaj duhet shtuar domosdëshmërisht edhe kujdesin e pamjaftueshëm në bregdet për sigurinë e pushuesve.

Rip Currents, apo Rrymat e ujit RIP janë rryma shumë të rrezikshme. Ato krijohen shpejt, në ujëra të cekta, krejt papritur dhe nuk mund të njihen me sy. Megjithatë në 80% të rasteve të goditurit nga këto rryma mund të shpëtojnë. Dhimbja për pushuesit e panjohur për mua më shtyri të reshershoj në internet dhe të mësoj nga përvojat e deritanishme se si mund të shpëtoj i godituri në raste të tilla. Rregullat kryesore janë si në vijim:

  • Ruani qetësinë

  • Mos provoni të notoni në anën e kundërt të rrymës së ujit.

Në rast se përfshiheni nga rryma e ujit është më së miri të lejoni që rryma e ujit të ju bartë në det të hapur. Shpejtësia e saj është 2 deri në 3 metra në sekond. Mos e provoni të notoni në drejtim të kundërt sepse këte nuk e arrijnë dot as notuesit më të mirë në botë. Kur rryma e ujit të ju ket sjellur në det të hapur dhe ta ket humbur fuqinë apo edhe të ket pushuar fare, filloni të notoni anash rrymës në drejtim të bregut të detit. Mos keni frikë, ajo nuk do të ju bartë shumë larg. Nëse nuk mundeni të notoni deri në breg të detit, kthehuni me trup nga ana e bregut, ngriteni dorën lartë dhe thërrisni për ndihmë."

/portali DurresLajm/

Na bëni like në facebook!: 

Lajme nga e njëjta kategori

Valbona Ndreu është nëna që mëngjesin e 8 gushtit kishte dalë me dy vogëlushet e saj, por që fatkeqësisht njërën prej tyre nuk e ka më.

Ambasadorja e Shqipërisë në Romë, Anila Bitrit në një lidhje telefonike për Ora News, tha se ka ndjekur me shqetësim ngjarjen dramatike n

   Shembja e urës ‘Morandi’ në Xhenova ka shkaktuar një tragjedi të vërtetë.

   Mes personave që kanë përdorur sot urën Morandi në Genova, Itali ka qenë edhe avokati i njohur shqiptar Saimir Vishaj.

   Komisioneri Publik ankimon vendimin e KPK për Alma Brati, gjyqtare në Gjykatën e Rrethit Gjyqësor Tiranë, kandidate për anëtare e Kësh

   Mijëra pushues janë dyndur drejt plazheve të Durrësit.

   OSHEE ka njoftuar sot se shumë zona të Tiranës do të kenë mungesë të energjisë elektrike, duke nisur që nga ora 09:00 e mëngjesit.

   Sipas Meteoalb, Shqipëria do të paraqitet me alternime kthjellimesh dhe vranësirash, kushte të cilat do të vijojnë deri në orët e pasd

   Plot 42 pasgoditje janë regjistruar nga Instituti i Gjeoshkencave që pas tërmetit me magnitudë 5.1 e shkallës rihter të ndodhur më dat

   Skenat e rënda të konfliktit të ditëve të fundit që u shënuan në terminalin e teageteve në Durrës si rezultat i vonesave të trageteve