Sot paradite, shoqata e Detarëve “Adrijon”, organizoi një ceremoni për të nderuar dhe respektuar detarë durrsakë me kontribute të vecanta për Flotën tonë tregtare dhe transportin detar.
Në këtë ceremoni të organizuar në ambientet e Bar-Restorant “GOGO”, morën pjesë anëtarë të shoqatës së Detarëve “Adrijon”, veteranë të Flotës Tregtare dhe pjesëtarë të familjeve të detarëve që u vlerësuan me “Certifikatë Mirënjohje”.
Fillimisht anëtarë të kryesisë së shoqatës “Adrijon”, mirëpritën pjesemarrësit, duke i uruar shëndet mbas kësaj periudhe të gjatë të pandemisë.
Më pas zoti Aleksandër Gjermeni, në fjalën përshëndetse evidentoi kontributin dhe rolin e detarëve shqiptarë në vite, mundin, sakrificat dhe kontributin e tyre për transportin detar, si të brendshëm dhe të jashtëm.
“Kjo punë e sakrificë e gjithanshme ka ndikuar direkt në ekonominë e vendit tonë”, nënvizoi Zoti Gjermeni.
“Por, ndërkohë, ky kontribut i detarëve tanë, ende nuk është vlerësuar nga asnjë qeveri. Është paradoks, kur sheh pensionet qesharake të detarëve shqiptarë, që kanë lundruar 40-50 vite në det dhe shpërblehen me 12-20 mijë lekë të reja në muaj. Askush nuk mund të mohojë rolin dhe kontributin e tyre në shoqërinë shqiptare. Shoqata e detarëve do ta ketë prioritet mbrojtjen e të drejtave të detarëve shqiptarë, krahas promovimit të kontributit të tyre”, përfundoi zoti Gjermeni.
Në vijim të aktivitetit, anëtarë të kryesisë së shoqatës i shpërndanë “Certifikatat e Mirënjohjes”, me motivicacione të ndryshme, të detajuara për cdo person, si për detarët që janë gjallë ashtu dhe “mbas Vdekjes”.
Në këtë ceremoni u shpërblyen me “Certifikatën e Mirënjohjes”, këta detarë:
- XHEVDET GASHI( pas vdekjes )
- STEFAN GJONI.
- MURAT REKA.
- VEHBI LULI ( pas vdekjes )
- QEMAL HATE (pas vdekjes )
- NEXHMI ALLUSHI
- NIKOLLA LACI
- HILMI ELEZI (BANUSHI) pas vdekjes
- RASIM ELEZI (BANUSHI) pas vdekjes
- GALIP DIZDARI
- GLIGOR SAVA (pas vdekjes )
- SPIRO LLAZARI
- BEDIN BEDINI
- VERON SADIRAJ
- FRANC IVANAJ
- XHEMAL MOLLA
Detarët vazhduan aktivitetin duke biseduar e kujtuar shokët, miqtë e kolegët , që u ndanë nga epidemia e Covid, duke shprehur ngushëllimet për ta.
Në fund të aktivitetit, u la si detyrë, që në aktivitetet e tjera të vlerësohen me “Certifikatë Mirënjohje” dhe detarët e tjerë durrsakë dhe mbarë vendin.
Sh.K.