Shqipëria hap negociatat, raporti i BE: Përparim në 5 prioritetet kyçe

16/04/2018 - 18:14

   Shqipëria dhe Maqedonia mund të nisin negociatat për anëtarësim në BE, ndërsa abuzimet me të drejtat e njeriut do ta lënë sërish në pritje Turqinë.

Top Channel ka siguruar paraprakisht draftin e raportit të zgjerimit që pritet të publikohet të martën, në 17 prill, e aty sqarohet se në vazhdën e progresit të arritur, KE-ja do të rekomandojë hapjen e negociatave me Shqipërinë.

Ruajtja dhe thellimi i këtij momenti reformash në fushën kyç të sundimit të ligjit, e veçanërisht 5 prioriteteve kryesore, dhe rezultatet e vazhdueshme, konkrete e të prekshme në rivlerësimin e gjykatësve dhe prokurorëve, pra procesi i vetingut, do të jenë vendimtare për progresin e mëtejshëm të vendit.

Në mbështetje te kesaj, vazhdon dokumenti, Komisioni Europian do të aplikojë qasjen e përforcuar për kapitujt e negociatave mbi gjyqësorin, të drejtat themelore, drejtësinë, lirinë dhe sigurinë e vendit.

E njëjta formule sipas EUObserver do të përdoret dhe për Maqedoninë, por rekomandimi është fillimisht për Shqipërinë. Eduard Kukan, anëtar i Komisionit të Punëve të Jashtme të Parlamentit Evropian dhe kryetar shumëvjeçar i Komitetit për Bashkëpunimin me Ballkanin Perëndimor i tha gjigandit mediatik gjerman DW se po të implementohet siç duhet reforma e thellë shqiptare e gjyqësorit, ajo do të jetë reforma më e rëndësishme e zbatuar mes shteteve në procesin e zgjerimit, e ndoshta edhe më serioze se në rastin e disa vendeve anëtare të BE.

Në vlerësimet e tij Komisioni Evropian nënvizon se Shqipëria po ecën përpara në të pesë prioritetet kyçe që janë thelbësore për integrimin në BE – nga reforma e administratës publike, reforma juridike, lufta kundër korrupsionit dhe krimit të organizuar dhe mbrojtja e të drejtave të njeriut.

Në fillim të vitit, kryetari i KE-së, Jean-Claude Juncker e pat pohuar se nëse Shqipëria vazhdon në këtë mënyrë në rrugën e reformave, Komisioni do t’i japë një rekomandim për të nisur negociatat e anëtarësimit brenda gjashtë muajve të parë të 2018-ës. /TCH

/portali DurresLajm/

Na bëni like në facebook!: 

Lajme nga e njëjta kategori

Komisioni i Pavarur i Kualifikimit konfirmon në detyrë prokurorin e Prokurorisë së Përgjithshme, Adnan Xholi.

16 tetori në familjen Hoxha është një ditë e shënuar pasi konsiston me 110-vjetorin e lindjes së diktatorit Enver Hoxha.

Në vitin 2017 ka rënë numri i përgjithshëm i emigrantëve që kanë ardhur në Gjermani, megjithatë Gjermania mbetet një vend atraktiv, sidom

Sipas MeteoAlb, këtë të martë parashikohen kthjellime dhe vranësira të cilat do dominojnë në të gjithë territorin, ku më të theksuara do

Albert Veliu, apo i njohur tashmë si Babalja, është njeriu që ka trazuar jetën politike të muajve të fundit, me dorëzimin e një audiopërg

Dita e nesërme do të ketë një ndryshim të lëvizjes së makinave në aksin Vorë- Kthesa e Rinasit- Fushë Krujë për shkak të punimeve që do t

Albert Veliu, i njohur me emrin Babale, ndodhet ende në Kosovë, aty ku kërkoi azil politik pasi iku nga Shqipëria.

Efektivët e policisë Rrugore në Durrës, në bashkëpunim me kolegët e policisë Bashkiake, kanë ndërmarrë aksion në rrugët e qytetit për bll

Familjarë të autorit të masakrës në Shëlli të Matit janë larguar nga banesa e tyre, përveç bashkëshortes së tij, e cila ruhet nga forca t

Telekomi serb ka ende shpresa se do të gjejë ende treg në Shqipëri.