Shtyhet sërish nisja e procesit mësimor te "Marie Kaçulini", bashkia shpjegon arsyen (VIDEO)

02/02/2019 - 12:45

Shtyhet sërish nisja e procesit mësimor tek shkolla 9-vjeçare “Marie Kaçulini”. Në muajin janar, duke ju referuar burimeve zyrtare të bashkisë, DurrësLajm bëri të ditur se data 4 shkurt do të shënonte ditën e nisjes së mësimit në shkollën e rikonstruktuar.

Të njëjtat burime konfirmuan sot se shkolla nuk është ende gati, pasi gjatë javës në vijim do të realizohet pastrimi i të gjitha ambienteve si dhe transportimi i të gjithë bazës didaktiko-mësimore (tavolina, karrike, pajisje të laboratorëve), do t’i jepet dora e fundit palestrës së shkollës etj.

Sipas bashkisë, ka qenë një kërkesë e vetë drejtorisë së shkollës për shtyrjen me disa ditë të nisjes së mësimit, në mënyrë që ambientet e reja të jenë në gjendjen e tyre optimale në momentin kur shkolla do të hapë dyert për nxënësit e saj. Të mësuar me pritjen gati 2-vjeçare, nxënësit, stafi pedagogjik dhe prindërit do të duhet të presin akoma.

Siç duket edhe në pamjet filmike të marra paraditen e sotme nga operatori i DurrësLajm, në ambientet e brendshme të shkollës ka ende punëtorë që po i japin dorën e fundit ndërhyrjeve që po kryhen në godinën që u ndërtua nga e para.

Që nga marsi i vitit 2017, nxënësit e “Marie Kaçulinit” detyroheshin të zhvillonin procesin mësimor pasditeve, në dy shkolla të tjera të qytetit, tek “Leonik Tomeo” dhe “Bernardina Qeraxhia”. 

Shkolla “Marie Kaçulini” u shemb tërësisht për të ndërtuar një shkollë të re. Bashkia e Durrësit akordoi 860 milion lekë për ndërtimin e saj. Nga 1050 metra katror që ishte godina e mëparshme e shkollës, është planifikuar që sipërfaqja e çdo kati të jetë 1550 metra katror.

Në godinë është parashikuar instalimi i sistemit qendror me ngrohje, ndërtimi i një salle multifunksionale, i palestrës, laboratorëve të ndryshëm etj.

M.B.

/portali DurresLajm/

Video: 
Na bëni like në facebook!: 

Lajme nga e njëjta kategori

Në portin e Durrësit janë prenotuar 20 kroçera dhe veliera për sezonin e ardhshëm turistik.

Detaje të reja janë zbardhur nga rrëmbimi dhe më pas vrasje e Jan Prengës më 17 janar në qytetin e Kamzës.

Zbardhen konkluzionet përfundimtare për anëtarin e Këshillit të Lartë të Prokurorisë Besnik Cani, i cili doli para Kolegjit të Posaçëm i

Tetë kandidatët për Kreun e Byrosë Kombëtare të hetimit do ti nënshtrohet testit të Poligrafit ose makinës të së vërtetës.

Drejtoria e Përgjithshme e Shërbimeve të Transportit Rrugor me anë të një njoftimi në Facebook, ka bërë të ditur se me ndryshimet e ligji

“Ndërtim i 2 mijë shtëpive”, është premtimi i Emirateve të Bashkuara për Shqipërinë në seancën e dytë të Konferencës së Donatorëve.

Policia Bashkiake njofton të gjithë qytetarët se të dielën më 23.02.2020 do të zhvillohet aktiviteti “Një hap për Durrësin”, pranë sheshi

Ndahet nga jeta biznesmeni i njohur në fushën e ndërtimit, Nystret Selmani. Selmani vuante prej pak kohesh nga një sëmundje e rëndë.

Sipas MeteoAlb, kushte e qëndrueshme të motit vijojnë në territorin shqiptar duke bërë që kthjellimet të jenë mbizotëruese në pjesën më t

Përmes një postimi në rrjete sociale, Fondi Shqiptar i Zhvillimit ka përsëritur për të disatën herë që nga nisja e punimeve për rikonstru