Si do hetohen “të paprekshmit” në Shqipëri? SHBA publikon skemën (VIDEO)

20/08/2019 - 10:37

Ambasada e Shteteve të  Bashkuara të Amerikës në Tiranë ka publikuar një video, ku tregon mënyrën se si do të funksionojë Struktura e Posaçme Anti-Korrupsion dhe Anti-Krim i Organizuar (SPAK).

Ambasada e SHBA shkruan në Facebook se SPAK-u nuk do të kursejë askënd, përfshirë zyrtarët e lartë të shtetit, por edhe ish-zyrtarët. Sipas saj, ky institucion do të veprojë në mënyrë të pavarur dhe i pa ndikuar nga politika.

POSTIMI I PLOTË

Po pse nevojitet SPAK?

Në sistemin e vjetër gjyqësor, zyrtarët e nivelit të lartë të korruptuar dhe bosët e krimit të organizuar ishin të “paprekshëm” sepse gjyqtarët dhe prokuroret e korruptuar ose të kërcënuar nuk i nxirrnin përpara drejtësisë. Çmimin e paguante gjithë vendi.

Po si e korrigjon këtë problem SPAKU-u?

Do të jetë një organ i pavarur, jo i politizuar, i cili do të hetojë dhe ndjekë penalisht “të paprekshmit” e Shqipërisë. Këtu përfshihen zyrtarë të tanishëm dhe ish zyrtarë të lartë. Anëtarët e SPAK do duhet të kalojnë vetingun dhe zgjidhen nga KLP, jo nga politikanë apo zyrtarë të korruptuar. Prokurorët e posacëm do ti nënshtrohen monitorimit të vazhdueshëm të financave dhe telefonave të tyre për të parandaluar korruptimin apo kanosjen e tyre.

“Në videon e kaluar, mësuat mbi Gjykatën Kushtetuese. Këtë javë, do të flasim për Strukturën e Posaçme Anti-Korrupsion dhe Anti-Krim i Organizuar, ose shkurt SPAK. Pse nevojitet SPAK dhe si do t’i ndjekë penalisht ky institucion rastet e korrupsionit në nivelet më të larta? Mësoni se si SPAK do të jetë një organ i pavarur, jo i politizuar, i cili do të hetojë dhe ndjekë penalisht “të paprekshmit” e Shqipërisë, duke përfshirë zyrtarë të tanishëm dhe ish-zyrtarë të lartë. #CfareEshteReformaNeDrejtesi #NdalKorrupsionit”-thuhet në përshkrimin që shoqëron videon.

/portali DurresLajm/

Video: 
Na bëni like në facebook!: 

Lajme nga e njëjta kategori

Në kalatën 6 (terminalin e kontejnerëve) të portit të Durrësit është ankoruar ditën e sotme anija tregtare “Spirit of Tokyo”, e cila do t

Presidenti i Këshillit Europian Donald Tusk tha se Shqipëria është më afër objektivit të hapjes së bisedimeve dhe se e meriton, në përput

Punonjësit e Kadastrës së Durrësit monitorohen në çdo moment nga kamerat e institucionit, jo vetëm me video, por edhe audio.

Mbi 450 mijë udhëtarë vendas dhe të huaj kanë shfrytëzuar tragetet e linjave Durrës – Bari, Durrës – Ankona dhe Durrës – Trieste e kthim

Gjykata e Tiranës dëgjoi sot dëshminë e Fredi Alizotit, i implikuar në dosjen e ashtuquajtur “Babalja”.

Gjigandi i lubrifikantëve Kappa Oil është sponsor zyrtar i i Hiking Adventure Club Albania, një operator turistik i specializuar dhe lice

Inspektoriati i Mbrojtjes së Territorit Durrës po planifikon një aksion tjetër për lirimin e hapësirave publike në qytet.

Kontroll i rreptë në dogana, pika prodhimi dhe shitje nëpërmjet gjurmueshmërisë së kripës deri në mbërritjen te konsumatori. 

Bashkia e Durrësit njofton të gjithë kandidatët e interesuar për rinovimin e licencës për transportin e udhëtarëve me linjat e rregullta