Situata nga reshjet, vijon shpërndarja e ndihmave ushqimore për të prekurit

Postuar: 13/03/2018 - 11:05

Gjatë 24 orëve të kaluara mbi vendin tonë ka mbizotëruar mot me vranësira të qëndrueshme dhe të dendura me prani të reshjeve të shiut në pjesën më të madhe të vendit.

Sipas informacionit të publikuar nga Ministria e Mbrojtjes, reshjet e shiut kanë qenë të herëpashershme me intensitet deri të lartë, lokalisht shtrëngata dhe stuhi.

Gjatë natës sasia më e madhe e reshjeve të shiut të rëna është: Lezhë 20.0 mm shi, Shkodër 12.0 mm shi dhe Tiranë 12.0 mm shi, ndërsa në pjesën tjetër e vendit kanë rënë më pak se 7.0 mm shi.

Ndërkaq, Forcat e Armatosura gjenden në terren për të bërë të mundur shpërndarjen e bazës ushqimore për të gjithë banorët e prekur nga këto reshje.

Në qarkun e Shkodrës, si pasojë e reshjeve të rëna janë ndodhur nën ujë një sipërfaqe e konsiderueshme e tokës bujqësore dhe janë izoluar nga uji shumë banesa, ku më i prekuri ka qenë fshati Obot.

“Aktualisht Forcat e Armatosura janë të pranishme në zonat e prekura nga uji me efektivet dhe mjetet e batalionit të këmbësorisë së Shkodrës”, thuhet në njoftimin për shtyp të shpërndarë nga MM.

Ministria e Mbrojtjes bën të ditur se janë marrë masa për sigurimin e bazës ushqimore për banorët por edhe për bagëtitë e këtyre zonave.

Nga Drejtoria e Përgjithshme e Rezervave Materiale të Shtetit janë dërguar në njësinë administrative, Ana e Malit 450 pako ushqimore dhe 180 pako me detergjent.

Në njësinë administrative, Ana e Malit janë shpërndarë 7 tonë koncentrat si dhe 11 ton bar i thatë. Në njësinë administrative, Dajç janë shpërndarë janë shpërndarë 11 ton koncentrat për bagëti.

Sipas ministrisë së Mbrojtjes, ndodhen të magazinuara 2 ton koncentrat për bagëti, i cili do të shpërndahet sipas një grafiku të caktuar.

/portali DurresLajm/

Na bëni like në facebook!: 

Lajme nga e njëjta kategori

   Të tjera detaje janë bërë me dije në lidhje me sasinë e eurove të kapura në Durrës.

   Nuk përbën aspak sekret, madje qarqet diplomatike e vërtetojnë se Athina dhe Tirana kanë hyrë tashmë në rrugëtimin e fundit për nënshk

   19-vjeçari Klevis Lika është njëri prej të ndaluarve nga policia e Durrësit si shoqërues i auto-trenit ku u gjetën dy automjetet tip “

   Nga mëngjesi i të hënës deri në orën 22:00, autostrada Tiranë-Durrës do t’i nënshtrohet sërish punimeve, e kësisoj trafiku do të ndrys

   Ditën e sotme në Durrës është zhvilluar një superoperacion, ku u sekuestruan 4-5 milionë euro në 2 makina ‘Toyota Yaris’.

   Industria e turizmit në Durrës ka vijuar të rritet me hapa galopantë gjatë viteve të fundit.

   Sasia e eurove të gjetura në mjetin tip “Tojota Yaris”, me targa AA120 SP AFR 559, sekuestruar sot në Portin e Durrësit, është rritur

Bllokohen në portin e Durrësit një sasi e madhe eurosh. 

   Rreth 114 vende pune për infermierë kanë mbetur të lira për shkak se fituesit e fazës së parë të aplikimeve në portalin Infermierë për

   Në kuadër të sezonit turistik, Ministria e Infrastrukturës dhe Energjisë përmes Drejtorisë së Përgjithshme Detare ka ndërmarrë një sër