“Standard & Poor’s” konfirmon vlerësimin B+, Paralajmëron uljen e renditjes nëse borxhi vijon rritjen

01/08/2020 - 16:33

Pavarësisht dëmeve që shkaktoi tërmeti i 26 Nëntorit dhe efektet që ka dhënë në ekonomi situata e pandemisë së Covid-19, agjencia prestigjioze e vlerësimit “Standard& Poor’s”, e ka klasifikuar sërish me perspektivë të qëndrueshme ekonominë shqiptare, duke vendosur notën B+. Në rishikimin më të fundit të saj, agjencia paralajmëron se do të mund të ulë renditjen vitin e ardhshëm, nëse borxhi publik vazhdon rritjen dhe materializohen detyrimet e kontratave me partneritet publik privat.

“Ne mund të ulim renditjen gjatë vitit të ardhshëm, në rast se në të kundërt të pritshmërive tona, financimi i deficitit të jashtëm bëhet më pak i sigurt, duke ushtruar presion mbi rezervat. Ne do të ulnim gjithashtu renditjen, nëse stoku i borxhit qeveritar vazhdon rritjen, për shkak ose të deficitit më të lartë fiskal, ose të materializimit të detyrimeve nga partneritetet publike private (PPP).

Agjencia sheh si pozitiv faktin se qeveria ka siguruar mbështetje kreditore nga Institucione Financiare Ndërkombëtare për të financuar hendekun fiskal këtë vit dhe për të ndaluar presionet e bilancit të pagesave.

“Qeveria gjatë këtij viti arriti të emetojë edhe një Eurobond. Nëse ekonomia përkeqësohet më shumë nga sa parashikojnë institucionet, Qeveria ka ende hapësira për disa politika të mëtejshme.”

Sipas prestigjiozes “Standard& Poor’s” financat publike të Shqipërisë janë konsoliduar vitet e fundit. Deficiti u ngushtua në 1.9% të PBB-së në 2019 nga 5.2% në 2014, e udhëhequr kryesisht nga kufizimi i shpenzimeve.

Por “Standard & Poor’s” pret që ky deficit të rritet në 8.5% të PBB-së këtë vit për shkak të humbjeve në të ardhurave, shpenzimeve shtesë që lidhen me pandeminë dhe shpenzime të larta të kapitalit.

Ndërsa projekton që raporti i borxhit të përgjithshëm ndaj PBB-së të rritet në gati 80% në vitin 2020, duke u ulur në 2021 e më tej, si rezultat i shuarjes së masave të jashtëzakonshme dhe rimëkëmbjes së ekonomisë.

Gjithashtu agjencia vlerëson se sektori bankar, kryesisht i financuar nga depozitat dhe në pronësi të huaj, ka zvogëluar pjesën e tij të kredive me probleme në rreth 8% të totalit të kredive.  

/portali DurresLajm/

Na bëni like në facebook!: 

Lajme nga e njëjta kategori

Ministria e Shëndetësisë në daljen e sotme publike njoftoi se 6 persona kanë humbur jetën nga Covid në 24 orët e fundit. 

Gjatë orëve të natës, Këshilli i Ministrave i qeverisë Conte ka miratuar një dekret të ri përsa i përket masave të ruajtjes së shëndetit

Përmbaruesit e dyshojnë ministren e Drejtësisë se po tejkalon kompetencat që i kanë dhënë ligjet e reformës në drejtësi për profesionin e

Përmes një postimi në Facebook, gazetarja e kronikës Anila Hoxha ka paralajmëruar se një tjetër emër i njohur i botës së krimit do të kth

Pedagogu i Universitetit të Arteve dhe skulptori i njohur, Arben Bajo humb betejën me Covid-19.

Këtë të diel, deri në mesditë moti parashikohet të mbetet në ndikimin e kthjellimeve dhe vranësirave të lehta.

“Është taktika që ndjek korrupsioni i nxitur nga babëzia. Gjithçka fillon dhe mbaron te babëzia.”

Zhvillimi i një ceremonie celebrimi në anijen e rojes bregdetare, i ka kushtuar vendin e punës zv.

Ministria e Shëndetësisë bën me dije se 124 persona janë infektuar me koronavirus në 24 orët e fundit, nga të cilet 4 jane regjistruar ne