Thirrja e Unionit të Gazetarëve: Qeveri tërhiq projektligjet e "Paketës Antishpifje"!

14/12/2019 - 22:17

Gazetarët shqiptarë, mediat shqiptare, organizatat e medias dhe ato të shoqërisë civile i bëjnë thirrje qeverisë të tërheqë menjëherë dhe pa negociata dy projektligjet e prezantuara si “Paketa Antishpifje”.

Organizatat vërejnë se dy projektligjet, ai për transformimin e AMA-s në një agjenci censure, dhe të AKEP-it në një agjenci përmbarimore për vendimet censuruese të AMA-s, përbëjnë një akt të paprecedent në botën demokratike.

Unioni i Gazetarëve Shqiptarë thekson se Shqipëria ka ligje që rregullojnë çështjet kur media shkel të drejtat e të tjerëve dhe çdo ndërhyrje tjetër, përfshirë krijimin e një organi administrativ është krejtësisht i panevojshëm në një shoqëri demokratike.

Deklarata e plotë

Unioni i Gazetareve Shqiptare bashkohet ne thirrjen:

Qeveri terhiq projektligjet e "Paketes Antishpifje"!

Gazetarët shqiptarë, mediat shqiptare, organizatat e medias dhe ato të shoqërisë civile i bëjnë thirrje qeverisë të tërheqë menjëherë dhe pa negociata dy projektligjet e prezantuara si “Paketa Antishpifje”; i bëjnë thirrje Qeverisë që të tërheqë urgjentisht këto projektligje.

Organizatat vërejnë se dy projektligjet, ai për transformimin e AMA-s në një agjenci censure, dhe të AKEP-it në një agjenci përmbarimore për vendimet censuruese të AMA-s, përbëjnë një akt të paprecedent në botën demokratike.

Çështjet e etikës, të tilla si e drejta e përgjigjes ndaj një akuze, apo e drejta e dhënies së fjalës para publikimit të një akuze, në çdo vend demokratik trajtohen nga kodet e etikës dhe organet vetërregulluese të medias.

Çështje të luftës hibride, dizinformimit, financimit me para të pista të medias apo partive politike nga politika apo krimi i organizuar janë të tilla që duhet të hetohen nga organet ligjzbatuese në përputhje me ligjet dhe garancitë që ofrohen nga ligjet ekzistuese, të tilla si kodi penal apo kodi i procedurës penale.

Shqipëria ka ligje që rregullojnë çështjet kur media shkel të drejtat e të tjerëve dhe çdo ndërhyrje tjetër, përfshirë krijimin e një organi administrativ është krejtësisht i panevojshëm në një shoqëri demokratike.

Çështjet e shpifjes dhe fyerjes në Republikën e Shqipërisë dhe në çdo vend ku sundon shteti i së drejtës duhet të shqyrtohen vetëm dhe vetëm në gjykata si pushtet i pavarur.

Tentativa për të zëvendësuar gjykatat me organe drejtpërsëdrejti në varësi të pushtetit politik përbën bazë për shkelje të rënda të të drejtave themelore të njeriut dhe mund të transformohet në një gur themeli për një regjim diktatorial.

/portali DurresLajm/

Na bëni like në facebook!: 

Lajme nga e njëjta kategori

Artan Hoxha ka publikuar në emisionin Opinion detaje të tmerrshme për “grupin Hajri”, i cili dyshohet se rrëmbyen dhe më pas vranë 49-vje

Një burrë është filmuar nga kamerat e siguirsë së një supermarketi në Durrës ku shihet teksa braktis të shoqen sapo ndjen lëkundjet e tër

Pas tërmetit me magnitudë 4.9 të shkallës Rihter, ka ardhur dhe një reagim nga ministria e Mbrojtjes.

Një tërmet i fuqishëm sapo ka rënë në Durrës dhe është ndjerë shumë i fortë edhe në Tiranë.

Një tërmet i fortë ka shkunndur Durrësin, vetëm pak minuta më parë.

Kontrollit të Lartë të Shtetit kallëzon në Prokurorinë e Tiranës, ish-drejtoreshën e Autoritetit Rrugor Shqiptar, Sonila Qato.

Vijon aksioni për arrestimin e personave të përfshirë në pengmarrjen dhe më pas vrasjen e Jan Prengës.

112 pallate dhe 343 shtëpi të dëmtuara rëndë nga tërmeti i 26 Nëntorit do të shemben.

Ambasadorja e Shteteve të Bashkuara Juri Kim ka zhvilluar ditën sotme një sërë takimesh prezantuese me disa prej ministrave shqiptarë.

Gjykata Kushtetuese ka pranuar të shqyrtojë vlefshmërinë e zgjedhjeve lokale të 30 Qershorit 2019, pasi ka kualifikuar sot padinë e kryeb