Prokuroria e Krimeve të Rënda ka vendosur të dërgojë në gjykatë Kacjolin Zefin, i cili njihet në Shkodër si person me precedent të theksuar kriminalë. Së bashku me Kacjolin Zefin, i pandehur është marrë dhe Ferid Halili. Zefi konsiderohet si 'i forti' i Shkodrës, ndërkohë që veç dosjes së trafikimit të narkotikëve mbetur në tentative, ndaj zefit është nisur dhe një procedim penal për akuzën e “Pastrimit të produkteve të veprës penalë”.
Kacjolin Zefi u arrestua më 26 nëntor 2016 i akuzuar për trafik droge nga porti i Durrësit. Rreth 700 kg lëndë narkotike u sekuestrua në portin e Durrësit e ngarkuar në një kamion. Fillimisht policia kufitare ka ndaluar drejtuesin e kamionit, por pas dëshmive ai u la i lirë dhe u shpall në kërkim pronari i firmës së konfesioneve, 51-vjeçari Kacjolin Zefi, banues në Shkodër. Destinacioni i lëndës narkotike ishte tregu italian. Biznesmeni Zefi u kap më 26 nëntor 2016 në Aeroportin e Rinasit, i cili po kthehej nga Italia për në Shqipëri.
Pasuritë e sekuestruara
Gjatë 27 shtatorit 2017 me urdhër të gjykatës së Shkodrës, u bë sekuestro e pasurisë së biznesmenit Kacjolin Zefi. Sipas policisë së shtetit, Kacjolin Zefit i janë sekuestruar 246 m2 pasuri e paluajtshme dhe 3 automjete luksoze me vlerë 310 mijë euro makina dhe apartamente. Automjetet i përkasin markave luksoze si "Ferrari", "Porsche" dhe "Peugeot".
Nën sekuestro:
a) Apartament 78 m² në qytetin e Shkodrës
b) Ndërtesë 100m²
c) Truall 53 m² me 15 metra objekt,
d) 3 automjete në pronësi të shtetasit Kacjolin Zefi, si më poshtë:
-Automjeti tip "Ferrari" me vlerë rreth 200 mijë euro,
-Automjeti tip "Porsche" me vlerë rreth 100 mijë euro,
-Automjet tip "Peugeot" me vlerë 10 mijë euro.
