Tragjedia që ndodhi dje në familjen Konçi në Romanat të Durrësit, ku humbën jetën tragjikisht nga zjarri trinjakë të moshës 3 vjeç, tronditi shumëkënd që dëgjoi dhe mësoi rreth lajmit të kobshëm.
Vogëlushët trinjakë, ashtu siç erdhën në jetë të tre së bashku, ashtu edhe ikën pa u ndarë nga njëri-tjetri. Ata po luanin të vetëm në banesë me shkrepse. Një lojë që rezultoi të ishte e fundit në jetën e tyre të shkurtër. Papritur ra zjarri dhe flakët u përhapën më pas në dhomë duke djegur totalisht trupat e vëllezërve. Sipas rezultatit të ekspertizës mjeko-ligjore, ata ishin karbonizuar tërësisht. Djegia në trupin e të vegjëlve të mitur kishte kaluar çdo shkallë, duke u mbërritur deri në kocka.
Por kjo nuk është e vetmja tragjedi tronditëse e shkaktuar nga zjarri në rrethin e Durrësit. Një tjetër histori e shtatë viteve më parë në Sukth, ishte e përmasave tragjike. Katër fëmijë, vëllezër e motra me njëri-tjetrin të moshës 6 – 13 vjeç, humbën jetën kur shtëpia e tyre u përfshi nga flakët. Tragjedia ka ndodhur në familjen Xheka, ku fëmijët jetonin me të ëmën e cila punonte netëve, ndërsa babai i kishte braktisur.
NGJARJA TRAGJIKE E NDODHUR MË 11 NËNTOR 2010
Fëmijët që kanë kumbur jetën:
Robert Xheka 13 vjeç
Vilson Xheka 11 vjeç
Kasandra Xheka 9 vjeçe
Nertila Xheka 6 vjeçe
Kater femije te nje familje kane humbur jeten nga asfiksia. Ngjarja tragjike ka ndodhur ne Sukth te Durresit ne oret e mesnates. Robert Vilson Kasandra dhe Nertila Xheka te moshes 6-13 vjec jane gjetur te djegur plotesisht nga e ema e tyre e cila eshte kthyer pasmesnate ne shtepi. Grupi hetimor po studion ne drejtim te dy pistave asaj te djegies nga korrenti dhe mundesise se goditjes se shtepise barake nga rrufeja. Ne kohen qe eshte mesuar tragjedia asnjeri nga femijet nuk ka qene i gjalle. Me i rrituri Robert Xheka eshte gjetur 2 meter larg nga trupat e pajeta te tre femijeve te tjere te mbuluar nga bloza me fytyre te enjtur dhe bark te fryre.
Ngjarja ka ndodhur diku rreth ores 23 deri ne oren 01 te nates ne nje banese te vecuar ne Sukth prane ish-kantines se veres. Ndonese nuk eshte percaktuar ende shkaku i zjarrit te rene mesohet se si pasoje e asfiksise se plote kane gjetur vdekjen Robert Xheka 13 vjec Vilson Xheka 11 vjec Kasandra Xheka 9 vjec dhe Nertila Xheka 6 vjec te cilet kane qene te vetem ne banese ne kohen e tragjedise. Familja e femijeve te shtetasit Besim Xheka eshte shperngulur nga Dibra ne fillim te viteve 90 dhe pasi ka qendruar disa vite ne Hamallaj eshte afruar ne Sukth ku edhe jetonte ne nje banese me qira. Per shkak te konflikteve familjare babai i femijeve e kishte braktisur familjen nderkohe qe e gjithe barra per te rritur te vegjlit ka mbetur tek e ema. Prej dy vitesh gruaja e shtepise largohej heret dhe vinte pas mesnate sepse kishte zene pune ne Tirane. Kesisoj femijet ishin detyruar te rrisnin njeri-tjetrin ndersa gjendja e tyre ekonomike ishte shume e veshtire. Ata jetonin ne nje banese te vjeter te mbuluar me eternit dhe te ndertuar me tulla djegia e se ciles ka zene poshte kater femijet. Personi i pare qe ka pare ngjarjen ka qene nena e femijeve e cila e ka ndier eren e zjarrit blozes dhe te trupave te djegur sapo eshte afruar ne oborrin e saj. Ka qene ora 2.30 koha kur ajo eshte kthyer nga Tirana dhe ka nxituar te hape deren. Nena e femijeve ka pare se si femijet ishin te gjithe te nxire ne fytyre dhe pa shenja jete ndersa dhoma ishte djegur plotesisht. Edhe televizori aty prane ishte bere shkrumb ndersa zjarri mendohet se eshte shuar nga reshjet e shumta te shiut te cilat kane pushuar rreth ores 2.30 kohe qe ka ardhur ne shtepi nena e femijeve. Grupi hetimor dyshon se shkak i tragjedise mund te jete bere ndonje shkarkim rrufeje por nuk perjashtohet edhe mundesia e djegies nga ndonje qiri i lene i ndezur mbi televizor. Ekspertet kane pohuar se djegia e TV shkakton nje ere shume te rende dhe asfiksuese por ende nuk ka nje version perfundimtar per tragjedine e ndodhur ne Sukth. E ema e femijeve ka pohuar se e ka pasur shume te veshtire te mbaje gjalle femijet pas ndarjes nga i shoqi. Ajo madje ka pohuar se ka bere cdo lloj pune per te siguruar buken e gojes ndersa prej dy vitesh punonte ne nje lokal ne Tirane. Policia ka mundur te mesoje gjithcka lidhur me menyren se si jetonte familja, ndersa tragjedia ka shkaktuar tmerr ne familjet aty rrotull.
S.L.
