Policia e Durrësit njofton se rreth orës 17:30, në Rromanat në banesën private të shtetasit G.K. ka rënë zjarr.
Fatkeqësisht brenda në banesë kanë qenë vetëm 3 fëmijë të mitur, trinjakë të moshës 3 vjeç, të cilët kanë ndërruar jetë.
Sipas policisë, e ëma e vogëlushëve ka dalë jashtë shtëpisë dhe kur është kthyer ka parë që shtëpia ka marrë flakë.
Grupi hetimor ndodhet në vendngjarje, të cilët po punojnë për zbardhjen e rrethanave të ngjarjes.