Temperaturave të larta po iu vjen fundi pak nga pak dhe për ata që kanë marrë pushimet në 15 ditëshin e dytë të gushtit nuk do të kenë dhe shumë mundësi për të bërë marrë rreze.  

Sipas Meteoalb, në fundjavë moti do të jetë kryesisht i kthjellët deri mbrëmjen e së dielës kur pritet ndryshim i situatës sinoptike. Orët e vona të së dielës sjellin një sistem vranësirash, shoqëruar me stuhi ere dhe rrebeshe afatshkurtra shiu në zonat veriore dhe ultësirën perëndimore ndërsa më pak e rrezikuar paraqitet juglindja e vendit. Në të njëjtat kushte atmosferike territori mbetet natën e së dielën dhe orët e para të së hënës.

Tabloja termike: Temperaturat mbeten të larta të shtunën por një rënie të lehtë sjell e diela ku maksimumi do shënojë rreth vlerës 37°C ndërkohë që e hëna sjell rënie të theksuar në të dy vlerat ekstremale ditore ku mëngjesi bie minimalisht në 13°C në zonat verilindore ndërsa mesdita, jo mbi 32°C në zonat jugore. Të martën ruhet thuajse konstante fusha termike ndërsa gjatë periudhës e mërkurë – e premte, do të ketë rritje të lehta dhe graduale deri në 36°C të premten.