Pas lajmit të publikuar nëpër medie, se Endira Bushati është një prej anëtarëve të bordit drejtues të “Bindjes Demokratike”, e cila pritet të regjistrohet nesër si parti politike, ish-kryetarja e AMA-s i ka mohuar këto zëra.
Sipas Endira Bushatit, ndonëse është një ndër zërat kritikë brenda Partisë Demokratike, sërish momentalisht është e fokusuar në karrierën akademike e profesionale.
Reagimi i Endira Bushatit:
Për shumë kohë, kam folur e shkruar mbi median dhe rolin e saj në Shqipëri, për mënyrën se si “shiten” lajme pa u verifikuar dhe pa më të voglën etikë profesionale….
Ka rreth 2 orë që gazetarë, kolegë e miq, më njoftojnë se unë qenkam “themeluese” e një partie….
Nuk po u vë faj për një arsye të thjeshtë:
Është e vërtetë që unë jam shprehur kundër mënyrës së drejtimit të PDsë nga Lulzim Basha….
Vazhdoj t’u qëndroj të gjithave çfarë kam thënë që pas humbjeve të zgjedhjeve të 2017!
Dhe kam pasur bindjen, që herët a vonë, vakuumi i krijuar në frontin opozitar do të plotësohej me forca të tjera politike….
Por….(dhe ka një “por” të madhe)….
Sado që unë, mund të mbështes apo përkrah, programe, njerëz, projekte….
Më duhet të sqaroj se aktualisht jam tërësisht e fokusuar në karrierën akademike dhe profesionale….
