Ujësjellësi i Durrësit ndërhyrje për pastrimin e kolektorit të bllokuar prej vitesh (VIDEO+FOTO)

14/09/2018 - 10:27

Ujësjellës Kanalizime Durrës po ndërhyn për pastrimin e kolektorit kryesor që mbledh ujërat e shiut duke nisur nga hyrja e portit në drejtim të lagjes nr. 4. Kolektori në fjalë është ndërtuar para afro 90 vitesh dhe pastrimi i fundit është bërë në vitin 1982. Për shkak të mbeturinave të shumta dhe aluvioneve që janë grumbulluar prej vitesh, zona në fjalë përmbytet shpesh në raste reshjesh. Ujësjellës Kanalizime Durrës në bashkëpunim me bashkinë e Durrësit ka vënë në dispozicion mjetet  dhe specialistët për të kryer këtë proces. Kryeinxhinieri i ndërmarrjes Gerald Dautaj është shprehur se kjo është faza e parë e ndërhyrjes që nis nga hyrja para portit deri te qendra tregtare “Bluestar”, me gjatësi 650 metër linear.

“Po bëhet pastrimi i kolektorit të ujërave të shiut, i cili është një kolektor i dimensionit 2000 mm. Ai ka që nga vitin1982 që nuk është pastruar dhe është ndërtuar që nga koha e italianëve, në vitin 1939 dhe shërbente për largimin e ujërve të shiut në këtë pjesë të qytetit. Ka qenë një kolektor i bllokuar nag aluvionet dhe dekantime të ndryshme. Po bëjmë pastrimin e tij i cili shkon në koherencë edhe me investimin e bashkisë në rrugë dhe trotuare. Faza e parë përfshin aksion nga derdhja në det deri te qendra tregtare Blues star me gjatësi 650 metër linear. Pastrimi i këtij kolektori do të eleminojë tërësisht përmbytjet në rrugën Skënderbej”, thotë Gerald Dautaj kryeinxhinier i UKD-së.

Në përfundim të kësaj ndërhyrjeje, pritet që të eleminohen përmbytjet që ndodhin në stinën e dimrit. Punimet për pastrimin e kolektorit po kryhen gjatë orëve të natës për të mos krijuar probleme në qarkullimin e automjeteve në zonën në fjalë. Ujësjellës Kanalizime Durrës kërkon mirëkuptimin e qytetarëve deri në përfundim të ndërhyrjes, e cila është e domosdoshme që të kryhet në këtë periudhë, kur jemi në prag të stinës së reshjeve të shiut. Paralelisht me ndërhyrjen e ujësjellësit, në zonën që nis nga Brryli në drejtim të stacionit të trenit dhe deri në hyrje të ish-Kënetës, me fondet e Bankës Botërore po kryhet investimi për rehabilitimin e rrjetit të kanalizimeve të ujërave te zeza.

/portali DurresLajm/

Video: 
Na bëni like në facebook!: 

Lajme nga e njëjta kategori

Një mijë kontrolle janë ushtruar në qytetin e Shkodrës për vjedhje të energjisë, nga të cilat  63 persona janë nën hetim.

Moti do të dominohet nga kthjellime dhe vranësira kalimtare në Shqipëri.

Koço Kokëdhima së fundmi ka shpallur kandidaturën e tij për kryetar të Bashkisë së Tiranës në zgjedhjet lokale të 30 Qershorit.

Ministri i Brendshëm, Sandër Lleshaj, i ftuar në “Report Tv”, lëshoi një deklaratë bombë duke deklaruar se, ende nuk dihet se kush e ka v

Janë sekuestruar 1000 koli me cigare të cilat rezultuan të ishin kontrabandë.

Rreth 1000 të rinj vullnetarë, ministri Klosi, përfaqësues të Eko Mendje, nga Zonat e Mbrojtura, prefektura e Durrësit dhe strukturat e t

Në Shqipëri, ambasada amerikane tha sot se ajo “nxit këdo që mendon të kandidojë që të rregjistrohet në zgjedhjet vendore të 30 qersh

Pas grabitjes spektakolare në aeroportin e Rinasit dhe pas lajmesh të shumta të publikuara në media, kanë reaguar më në fund Prokuroria e

Nga Durrësi, Agjencia për Zhvillim Bujqësor dhe Rural nisi sot fushatën për skemat mbështetëse nga Fondi i Programit për Bujqësinë dhe Zh

Teksa pret radhën për të marrë mandatin e tij si deputet, duket se gjërat s’kanë ecur edhe aq mirë në jetën e tij private.