Vajza që luante në lagjet e Durrësit, sot garon në zgjedhjet bashkiake në Itali (FOTO)

24/05/2019 - 17:46

Më 26 maj në Itali do të zhvillohen zgjedhjet administrative, datë kjo që përkon me zgjedhjet në parlamentin europian. Në shtetin italian shqiptarët janë përfshirë shumë më tepër në politikë, duke kryesuar kështu edhe listat e zgjedhjeve.

Në Itali numërohen rreth 100 kandidatë me origjinë shqiptare të regjistruar si kandidatë në zgjedhjet administrative.

Casale Monferrato është një qytet i vogël në Piemonte me 33.727 banorë. Komuna e dytë më e populluar në provincë, pas kryeqytetit. Në këtë komunë, përveç Nada Zhitit, janë regjistruar si kandidatë edhe dy shqiptarë të tjerë, Ferdinant Kasa dhe Armando Zotaj.

Nada Zhiti është modelja shqiptare nga Durrësi, e cila në moshë të vogël ka emigruar drejt Italisë Veriore, aty ku dhe jeton sot. Ajo ka kryer studimet për avokate dhe ka punuar si e tillë. Në fillimet e adoleshencës, Nada ka punuar si modele, profesion ky që e ushtronte në kohën e lirë pasi përfundonte studimet.

Pas kryerjes së studimeve, Nada mori vendimin e rëndësishëm që do t’i ndryshonte jetën. Nga një studente ekselence ajo punoi në zyrat e avokatisë në qytetin italian të Casale Monferrato-s.

Nada ka treguar dëshirën e saj të madhe për të ndihmuar të tjerët. Duke përdorur aftësitë e saj bindëse, Nada synon të jap kontributin e saj në një sistem të ri administrativ, ku të drejtat e njeriut do të jenë primare dhe të gjithë do të jenë të bashkuar për një Casale Monferrato më të mirë.

Intervista e plotë:

Je larguar nga Shqipëria në moshën 6-vjeçare. Si ishte fëmijëria jote në Itali?

Familja ime u largua nga Shqipëria në fluksin e parë të largimit drejt perëndimit, pikërisht drejt Italisë. U vendosëm në Casale Monferrato, ku jetojmë edhe sot. Në Itali na pritën shumë mirë, në fakt falenderoj mësuesit që u kujdesën për mua në mënyrë të veçantë dhe që më mbështetën gjithmonë.

Si të gjithë emigrantët në fillim ishte e vështirë, aq më tepër largimi nga vendlindja ime. Në Durrës isha mesuar të luaja në ajër të pastër, në lagje me shumë fëmijë, në shkollë shkonim vetë në shkollë dhe kishim aq shumë liri.

E kundërta ishte këtu në Itali, u përballa me rregulla të ndryshme, kishte pak fëmijë në rrugë, shumë lodra dh epak fantazi. Ama duhet ta pranojë, ka qenë një fëmijëri e këndshme, organizonim shfaqe në shkollë, në të cilat kam qenë gjithmonë prezente.

Pse u larguat nga Shqipëria? A ishte kjo një zgjidhje ashtu si të gjithë shqiptarët?

Kur familja ime u largua nga Shqipëria unë isha e vogël, por kujtimet aty i ruaj me mall edhe sot. Prindërit e mi, ashtu si të gjithë të tjerët ishte vetëm të ishin larg nga sistem që vendi ynë vuante në atë kohë.

Si nisi karriera jote si modele?

Karriera si modele nis si një lojë. Kam qenë gjithmonë shumë e dhënë pas shkollës dhe prioritet kisha rezultatet e mira në shkollë.

Në moshën 17-vjeçare më ftuan si modele në një sfilatë në qytetin tim këtu në Itali dhe pas kësaj filluan kërkesat e tjera për fotomodele. Fillova të kuptoja që më pëlqente dhe që ishte një punë serioze, me njerëz shumë profesionistë ndryshe nga mendimet dhe paragjykimet që kisha para se të punoja si fotomodele.

Nga modele në pasarelat e shtëpive të modës, ti zgjodhe të studioje juridik. Pse kjo zgjedhje?

Shkolla ka qenë gjithmonë prioriteti im dhe u diplomova me nota maksimale. Arrita t’i bëja paralelisht të dyja, edhe universitetin edhe të punoja si modele, një femër und të jetë edhe e bukur edhe e aftë të arrij çdo qëllim.Je një nga 100 shqiptarët që kandidojnë në zgjedhjet e 26 majit në Itali.

A ndihesh krenare për veten?

Ndihem shumë krenare që përfaqësoj shqiptarët, duke treguar se jam e aftë për t’u zgjedhur si këshilltare në bashki.

Të ka mbështetur familja në këtë zgjedhje që ti ke bërë?

Prindërit më mbështesin në këtë zgjedhje dhe janë shumë krenar për karrierën time në politikë, sidomos për faktin që ruaj idealet e mia si kandidate jo për votat, por për dëshirën që të jap një kontribut për territorin e Casale Monferrato-s.

Pse duhet të të zgjedhin ty si kandidaten shembull, çfarë qëllimi ke?

Vullneti im është të përdor aftësitë e fituara gjatë studimeve në shkollën e juridikut dhe si avokate të mbroj të drejtat e shoqërive të varfra.

Një pikat kyçe të programit tim elektoral është që të bëhet një lloj zyre mbështetëse për të huajtë, që t’ju mundësoj atyre informacione të sakta mbi problemet e integrimit.

A ka ndikuar sadopak kjo zgjedhje e jotja në jetën private?

Kjo nuk ka ndikuar aspak, sepse njerëzit rreth meje e kuptojnë sa i rëndësishëm është pasioni për punën dhe karrierën. Pavarësisht faktit që politika të kushton shumë kohë, duke marrë pjesë në mitigje kontakti me njerëzit, pasi më pëlqen shumë kjo pjesë sepse flas me ta dhe kam mundësi të dëgjoj problemet e tyre dhe të jap një zgjidhje. Dua të jem një shembull i mirë për shumë njerëz, të cilët mund të arrijnë majat e suksesit me sakrificë dhe vendosmëri.

A do të heqësh dorë nga modelingu nëse fiton këto zgjedhje?

Nga modelingu kam filluar të heq dorë, pasi çdo gjë ka një afat. Tani që ushtroj profesionin tim si avokate dhe me një eksperiencë të re në politikë nuk dua të konsumojë kohën me të tjera gjëra.

Si ishte jeta e Nadës para se të kandidonte, duke tërhequr vëmendjen e të gjithëve si e para modele shqiptare që kandidon për këshillat bashkiakë?

Para se të nisja këtë eksperiencë si kandidate për këshillin e bashkisë punoja si avokate në qytetin e Vercelli-t në veri të Italisë.

Kohët e fundit kam qenë tepër e angazhuar konkretisht me ligjet e reja të cilat kanë ndryshuar shumë pas dekretit legjislativ të Salvini-t.

Nëse një mundësi e tillë të jepej në Shqipëri a do të pranoje?

Sigurisht që do të më pëlqente dhe ndoshta do pranoja sepse jam krenare që jam shqiptare, por para se ta bëja do sigurohesha të studioja me përpikmëri legjislacionin dhe sistemet politike, pasi kjo është një nga hallkat më të rëndësishme në drejtimin e vendit. /dosja.al

/portali DurresLajm/

Na bëni like në facebook!: 

Lajme nga e njëjta kategori

Paraditen e sotme, në kalatën numër 4 është bregëzuar anija turistike “TO CALLISTO”, e cila ka sjell 36 turistë të huaj, kryesisht gjerma

Goditen dy raste kultivimi të lëndëve narkotike në Krujë, janë arrestuar në flagrancë 8 shtetas dhe janë shpallur në kërkim 3 të tjerë, s

Gjykata e Krimeve të Rënda është tërhequr për vendimin për ish-ministrin e Brendshëm, Saimir Tahiri.

Prej qershorit të vitit 2018, në vendin tonë, ka hyrë në fuqi ligji "Për ndihmën juridike".

Arbër Çekaj, i akuzuar për sasinë rekord të 613 kilogramëve kokainë të kapur në Durrës, është ekstraduar sot nga Gjermania në Shqipëri.

Ambasada Amerikanë në Tiranë iu vjen në ndihmë të gjithë qytetarëve shqiptarë në lidhje me kërkesat për viza emigruese.

Sipas Meteoalb, Shqipëria do të karakterizohet nga alternime kthjellimesh dhe vranësira.

Gjykata e Krimeve të Rënda do të vendosë sot për fatin e ish-ministrit të Brendshëm, Saimir Tahiri.

Matthew Palmer, i dërguar i posaçëm i Shteteve të Bashkuara për Ballkanin Perëndimor i tha Zërit të Amerikës se administrata amerikane mb