Vdekja e tre pushuesve në Gjirin e Lalzit, pas ndihmës së parë u kthyen në shtëpi, por më pas thirrën urgjencën

09/05/2021 - 11:38

Kjo është shtëpia e familjes Haliti në Gjirin e Lalëzit, ku ata po qëndronin prej ditësh. Tre anëtarët e familjes ishin nga Gjilani i Kosovës, ndërsa kishin ardhur në Durrës për të pushuar. Ata ndërruan jetë pasi konsumuan kërpudha që i kishin mbledhur në pyll.

Mësohet se çifti Afrim dhe Ferdinaze Haliti si dhe nëna e Afrimit, Elfetja, pasi janë ndjerë keq kishin marrë mjekim fillimisht nga mjekët e zonës në Manzë dhe më pas janë kthyer në banesë.

Por gjendja e tyre është përkeqësuar dhe kanë njoftuar urgjencën në Tiranë. Kur ka shkuar urgjenca në kompleksin turistik të Gjirit Lalëzit ka konstatuar se ata ishin në gjendje të rëndë. Në situatë më kritike ishte e moshuara Elfete Halili, e cila kishte probleme me frymëmarrjen.

Ajo është marrë me barrelë së bashku me të birin Afrimin dhe janë vendosur në autoambulancë. Ndërsa gruaja, e cila ishte në gjendje pak më të mirë, për mungesë vendesh është vendosur në një nga karriget e personelit të ambulancës.

E moshuara mësohet se është vendosur në oksigjen që në ambulancë. Fillimisht është menduar që t'i nisin direkt për Tiranë, por duke pare gjendjen e tyre i kanë dërguar për ndihmën e parë në Spitalin Rajonal të Durrësit dhe pas mjekimit janë nisur drejt Tiranës.

Tre anëtarët e familjes ndërruan jetë në spital njëri pas tjetrit në harkun kohor të tre ditëve, 6-7-8 maj. Shkak për vdekjen e tyre dyshohet helmimi nga kërpudhat, të cilat ata i kishin mbledhur në pyll dhe konsumuar në shtëpi.

Pritet ekspertiza për të sqaruar çfarë ka ndodhur realisht me tre pushuesit. Ndërkohë policia ka proceduar penalisht për veprën penale "Mjekim i pakujdesshëm", mjekun Shyqyri Beqajn 54 vjeç dhe Jonuz Karajn, 60 vjeçar.

/portali DurresLajm/

Na bëni like në facebook!: 

Lajme nga e njëjta kategori

Ministria e Shëndetësisë dhe Mbrojtjes Sociale njofton se gjatë 24 orëve të fundit në vendin tonë janë kryer 2,916 testime për persona të

Covid-19, i cili prej më shumë se një viti na ka ndryshuar totalisht jetën, nuk prek vetëm mushkëritë dhe rrugët e frymëmarrjes te pacien

Ministrja e Arsimit, Sportit dhe Rinisë, Evis Kushi ka reaguar përmes një postimi në rrjete sociale lidhur me protestën e maturantëve për

Maturantët e shkollave të mesme në Durrës po protestojnë sot para Drejtorisë Rajonale Parauniversitare në qytetin bregdetar, pasi testi i

Qendra e Shërbimeve Arsimore ka dalë sot në një deklaratë për mediat lidhur me pretendimet e maturantëve një ditë më parë se provimi i ra

Ministrja e Arsimit, Sportit dhe Rinisë, Evis Kushi organizoi sot një takim për konsultim publik të Draft-Strategjisë Kombëtare të Arsimi

Policia e Lezhës ka ndërmarrë masa për mbarëvajtjen e pelegrinazhit në Kishën e Shna Ndout në Laç më datë 12-13 qershor 2021.

Sipas Meteoalb, vendi këtë të shtunë do të mbizotërohet nga alternime kthjellimesh dhe vranësirash duke sjellë mot të qëndrueshëm por që

Qeveria greke ka vendosur të pranoj brenda territorit të saj të gjithë personat e vaksinuar, pavarsisht nëse vaksina që kanë injektuar ës

Policia kufitare italiane dhe Guardia di Financa kanë arrestuar në portin e Ankonës 5 emigratë të moshave 20 deri në 40-vjeç me kombësi e