Veliaj ulet në kafe me banorët tek Astiri: Konsensus që Unaza do bëhet

06/12/2018 - 11:11

Kryebashkiaku i Tiranës, Erion Veliaj, zgjodhi që kafenë e mëngjesit sot ta pijë me banorë të zonës së Astirit, të cilët kanë filluar tashmë që të lirojnë vetë ndërtesat e tyre pa leje dhe t’i hapin rrugë projektit të zhvillimit të Unazës së Madhe, njofton Bashkia.

“Ishte një kënaqësi e veçantë që takoja të gjithë miqtë këtu në ‘Astir’ e ta filloja ditën me një kafe dhe një raki të mirë “Skrapari”. Siç u takuam me miqtë nga Tropoja, sot me miqtë nga Tepelena, Korça, Skrapari, sepse besoj që është shumë e rëndësishme të gjejmë një gjuhë të përbashkët dhe ajo që kemi një konsensus sot, siç patëm me miqtë nga Tropoja, Kukësi e Dibra, ashtu edhe me tepelenasit, skraparllinjtë e korçarët është që ky projekt duhet të vijojë dhe ne duhet të ecim përpara me zhvillimin e Tiranës”, tha Veliaj.

Teksa falënderoi banorët që janë distancuar nga politika dhe kanë filluar që të zbrazin vullnetarisht objektet që janë në gjurmën e Unazës së Madhe, Veliaj theksoi se ky projekt nuk do të ndalet.

“Dua t’i falënderoj për bashkëpunimin. Shumica prej tyre kanë zbrazur vetë vullnetarisht të gjithë asetet që kanë, dyqanet apo shtëpitë që do preken nga projekti. Dua të falenderoj masivisht banorët e “Astirit” që janë distancuar nga politika. Secili po shikon hallin e vet, të familjes së vet, që të zgjidhë punët e veta. Politika i ka zgjidhur punët e veta, ndaj jam shumë i kënaqur sot për këtë bashkëpunim. Unë besoj që para Vitit të Ri kjo punë do të ketë marrë fund dhe për të gjithë ata që besojnë që mund ta pengojnë qytetin ose mund t’i përdorin protestat si “mish për top“ për interesat e tyre politike e kanë davanë e humbur”, u shpreh Veliaj.

/portali DurresLajm/

Na bëni like në facebook!: 

Lajme nga e njëjta kategori

Bëhet e ditur se të enjten, 21 shkurt 2019, mbërrin në Romanoport anija cisternë nafte me tonazh 40 mijë tonë.

Grupi i ngarkuar për të siguruar thesarin e shtetit dhe tunelin e Krrabës e ka marrë këtë objekt në dorëzim me procesverbal në datën 27/0

Një nga misteret e mëdha mes deputetëve që duhet të prononcohen për djegjen e mandatit është edhe ai i Rudina Hajdarit e cila aktualisht

Këshilli i Ministrave ka miratuar sot vendimin për shtimin e punonjësve të Policisë së Shtetit me 100 efektivë të rinj.

Pavarësisht anulimit të seancës së Kuvendit, protesta nesër do të mbahet.

Ambasadori i Italisë në vendin tonë, Alberto Cutillo, deklaron se liria e shprehjes nuk mund të justifikojë deklaratat që nxisin dhunën.

Ambasadorja e Gjermanisë në Tiranës, Suzane Schutz ka reaguar pas firmosjes nga ana e deputetëve të Ppozitës për lënien e mandateve.

Pas votimit unanim të Këshillit Kombëtar  të PD-së, për djegien e mandateve ka reaguar OSBE.

Paraditen e sotme, një re tymi ngrihej nga grumbujt e mbetjeve inerte dhe urbane që po depozitohen çdo ditë e më shumë pranë shëtitores “