"Veliera" pritet të përfundojë në SPAK, aktivistët: Jemi kërcënuar të heqim dorë nga çështja por nuk tërhiqemi! (VIDEO)

17/09/2020 - 16:07

Çështja gjyqësore “Veliera” pritet të përfundojë në SPAK. Të paktën kjo është kërkuar sot në sallën e gjyqit të Gjykatës së Durrësit, ku Shoqëria Civile ka paditur 5 institucione për shkatërrimin e monumenteve të kulturës.

Aktivisti Sazan Guri pas daljes nga gjykata tha se cilët do të akuzohen për ndërtimin e Velierës, duke përmendur ish-kreun e Bashkisë Durrës, Vangjush Dako, ish-ministren e Kulturës Mirela Kumbaro, drejtorin e Institutit të Arkeologjisë, Drejtori i Shërbimit Arkeologjik dhe Institutin e Monumenteve të Durrësit.

"Gjykata e shkallës së parë nuk mori asnjë vendim, sepse ne kërkuam që kjo gjykatë të shpallë moskopetencën dhe të merret gjykata e lartë dhe SPAK me këtë çështje. Më pas do e çojmë në gjykatën evropiane të Strasburgut. Kjo betoniere duhet të prishet, të shembet, nuk duhen shumë, 500 mijë euro nevojiten, por fitimet do të jenë shumë herë më të mëdha, se ka rrënoja arkeologjike të rëndësishme. Problemi është se nje kemi akuzuar zyrtarë të lartë në këtë dosje dhe janë krerë të lartë të bashkisë, ministrisë së kulturës dhe arkeologjisë."

Sazan Guri shtoi se në vendin ku është ndërtuar Veliara gjenden 7 civilizime të periudhave të ndyshme, ndërsa Veliera sipas tij është një objekt kukull që mund të bëhej 50 metër më tutje dhe nuk ndodhte asgjë.

"Durrësi dhe Butrinti janë 2 nga dhjetë objektet më të rëndësishme arkeologjike të botës.", vijoi Guri ndërsa tha se tashmë kjo çështje pritet të merret në gjykim nga Gjykata e Lartë.

Teuta Kalakula, sekretare e Shoqatës për Mbrotjen e Vlerave të Durrësit ka deklaruar se e kanë telefonuar gjatë natës me numra privat duke e kërcënuar që të tërhiqen nga kjo çështje.

"Kjo është një beteje shumë e egër faktikisht sepse ne ndeshim edhe rrezikun. Nuk është se na kanë shumë përzemër, nuk është se nuk na kërcënojnë. Beteja jonë është institucionale për mbrojtjen e vlerave të këtij qyteti kaq të lashtë. Dy telefonata në tre të mëngjesit nuk janë pak për tu quajtur kërcënimë, sado të jenë anonime. Na kanë thënë që të tërhiqemi nmga çështja ose ndryshe mund të na shtypë ndonjë makinë në rrugë.", u shpreh për mediat Teuta Kalakula ndërsa thekson se nuk do të tërhiqen pavarësisht kërcënimeve.

Sakaq ditën e sotme u mbajt seanca e radhës gjykata vendosi të "shtyhet afati deri më datën 12 tetor për marrjen e verdikti të gjykatës së lartë për moskopetencë gjykimi nga gjykata e shkallës së parë Durrës."

/portali DurresLajm/

Video: 
Na bëni like në facebook!: 

Lajme nga e njëjta kategori

Deri më tani nga lëkundjet e forta janë regjistruar 26 viktima dhe mbi 800 të plagosur, për shkak të shembjes apo dëmtimit të ndërtesave.

Ministria e Shëndetësisë ka përditësuar të dhënat lidhur me situatën e Covid-19 në vendin tonë.

Aktivistët e qendrës “Durrësi Aktiv” kanë protestuar mesditën e sotme në sheshin “Pranvera” në Durrës ku prej disa javësh zona i është në

Komiteti Teknik i Ekspertëve ka reaguar pas akuzave të bëra nga kreu i Partisë Demokratike, Lulzim Basha se është fasadë e Edi Ramës dhe

Ekspertja e Institutit të Shëndetit Publik, Eugena Tomini, foli në rubrikën “Opinion”, në News24, për situatën e rëndë të krijuar në vend

31-vjeçari Fetur Zani është lënë në burg nga Gjykata e Tiranës.

Drejtori i Përgjithshëm i Policisë së Shtetit Ardi Veliu, i shoqëruar nga drejtuesit e Drejtorisë Vendore të Policisë Tiranë, mbrëmjen e

Vëllai i ish-presidentit Bujar Nishani, Ilir Nishani, makina e të cilit shpërtheu në flakë mëngjesin e sotëm në një ndër rrugët më të fre