Një fakt interesant i zgjedhjeve parlametare të 25 qershorit është përfaqësimi më i lartë i grave që nga 1992 deri më sot. Kështu, parlamenti i ri i Shqipërisë do të ketë nivelin më të lartë të përfaqësimit të grave. Plot 39 deputete nga 140 gjithsej do të jenë zëri i qytetarëve në Parlament.
Partia Socialiste ka përfaqësimin më të lartë, me 22 deputete, e ndjekur nga Partia Demokratike me 11 deputete gra. Lëvizja Socialiste për Integrim ka 5 deputete dhe PDIU do të ketë një deputete, atë të qarkut të Dibrës, Reme Lala.
Përsa i përket qarqeve, Tirana kryeson listën me 14 deputete femra, ndërkohë që pasohet nga Durrësi me 5 të tilla. Në Durrës, 3 deputete kanë dalë nga lista e PS (Eglantina Gjermeni, Milva Ekonomi dhe Klodiana Spahiu), një nga lista e PD (Fatbardha Kadiu) dhe një nga lista e LSI (Nora Malaj). Qarku i Durrësit bëhet kështu qarku i dytë në vend që përfaqësohet në Kuvend me një numër të lartë deputetesh femra.
Në 25 qershor, Durrësi nxorri 14 deputetë, nga të cilat 5 ishin femra, ndërsa në 2013 nga 13 deputetë që kishte qarku vetëm 3 ishin femra (Klodiana Spahiu, Esmeralda Shkjau nga PS dhe Albana Vokshi nga PD)
Në listat për deputetë që partitë politike dorëzuan në KQZ për zgjedhjet e 25 qershorit, nga 2374 kandidatë, 948 ishin gra. Megjithatë, partitë politike nuk iu shmangën dot gjobitjes nga Komisioni Qendror i Zgjedhjeve për mosrespektim të kuotës gjinore në listat e kandidatëve për deputetë.
Deputetet në Kuvendin e Shqipërisë sipas partive dhe qarqeve
Partia Socialiste
Mimi Kodheli, Kukës
Almira Xhembulla, Dibër
Elisa Spiropali, Korçë
Edlira Bode, Korçë
Evis Kushi, Elbasan
Mirela Kumbaro, Gjirokastër
Eglantina Gjermeni, Durrës
Milva Ekonomi, Durrës
Klodiana Spahiu, Durrës
Elona Hoxha/Gjebrea, Tiranë
Olta Xhaçka, Tiranë
Blerina Gjylameti, Tiranë
Vasilika Hysi, Tiranë
Ogerta Manastirliu, Tiranë
Klotilda Bushka, Tiranë
Adelina Rista, Fier
Antoneta Dhima, Fier
Tatiana Piro (Nurçe), Fier
Ermonela Valikaj, Berat
Lindita Nikolla, Lezhë
Vilma Bello, Vlorë
Senida Mesi, Shkodër
Partia Demokratike
Dhurata Çupi, Dibër
Valentina Duka, Korçë
Fatbardha Kadiu, Durrës
Orjola Pampuri, Tiranë
Rudina Hajdari, Tiranë
Grida Shqima, Tiranë
Albana Vokshi, Tiranë
Jorida Tabaku, Tiranë
Lindita Metaliaj, Lezhë
Nadire Mecorapaj, Vlorë
Izmira Ulqinaku, Shkodër
Lëvizja Socialiste për Integrim
Monika Kryemadhi, Elbasan
Nora Malaj, Durrës
Klajda Gjosha, Tiranë
Kejdi Mehmetaj, Tiranë
Floida Kërpaçi, Tiranë
PDIU
Reme Lala, Dibër
M.B.
