Vogëlushët e Durrësit rikthehen në kopshte e çerdhe, prindërit: Nuk kemi frikë, kujdes po (VIDEO)

01/06/2020 - 16:15

Ashtu si në të gjithë vendin, edhe në Durrës vogëlushët janë rikthyer në kopshte dhe çerdhe mëngjesin e kësaj të hëne.

Me një protokoll të veçantë, pas një ndërprerje tre mujore për shkak të pandemisë, fëmijët kanë takuar shokët dhe edukatoret më 1 qershor, datë e cila përkon edhe me festën e tyre, ndonëse këtë vit nuk kishte festime.

Në kopshtin & çerdhen "Durrësi i Ri" në ish-Kënetë, të shoqëruar dorë për dore nga prindërit, të vegjlit janë pritur në derën kryesore nga edukatorja e cila fillimisht ju mat temperaturën me termometrin digjital.

Prindërit qëndrojnë në ambientet e jashtme të kopshtit nga ku komunikojnë me edukatoret ndërsa thonë për "DurrësLajm" se nuk i frikësohen aspak mundësisë së infektimit të fëmijëve me koronavirus.

"Nuk kemi frikë, kujdes po.", thonë ato.

Prindërit duhet të plotësojnë çdo ditë një formular lidhur me historikun e familjes së tyre gjatë këtyre 3 muaj pandemie, nëse kanë pasur ndonjë simptomë, të afërm apo vetë personalisht të infektuar nga COVID-19.

Qyteti bregdetar ka gjithsej 37 kopshte, nga të cilat 29 ndodhen të atashuara në shkolla në njësitë administrative si dhe 8 në godina të veçanta.

"DurrësLajm" mëson se sot dy kopshte nuk kanë mundur të hapin dyert për fëmijët, "1 qershori", i cili është mbyllur pas tërmetit dhe pritet të bëhet rikonstruksioni i godinës si dhe "Met Hasa", i cili është shembur dhe pritet të rindërtohet.

Përgjegjësja e sektorit të arsimit në bashki, Nikoleta Rusha tha për "DurrësLajm" se çdo ditë do të bëhet monitorimi i pjesëmarrjes së fëmijëve në kopshte/çerdhe.

"Në 8 kopshte, në ditën e parë sot janë paraqitur 264 fëmijë. Janë hapur edhe 2 çerdhe me 22 fëmijë ndërsa nga e hëna tjetër do të bëhet edhe hapja e çerdhes së tretë pasi po bëhen punime", u shpreh ajo.

G.D.

/portali DurresLajm/

Video: 
Na bëni like në facebook!: 

Lajme nga e njëjta kategori

Ministria e Shëndetësisë dhe Mbrojtjes Sociale ju informon për situatën epidemiologjike në vend ku vijon të ketë raste të reja por edhe s

Detaje të reja dalin në dritë nga arrestimi i ish-kryebashkiakut të Vorës, Agim Kajmaku, i cili prej 8 muajsh ishte shpallur në kërkim.

Ultësira Perëndimore do të jetë në kushte të qëndrueshme atmosferike duke bërë që kthjellimet të jenë dominante në pjesën më të madhe të

Kjo është dhoma ku 30-vjeçarja Anisa Josifi ka qëndruar për 15 muaj e vdekur.

Shefja e Shërbimit Infektiv, Najada Çomo shprehet se koronavirusi është sëmundja më e tmerrshme që është përballur gjatë punës së saj.

Nuk kishte asnjë dyshim se materiali gjysëm historik dhe gjysëm gazetaresk i hulumtuesit Auron Tare, do të merrte formën e skandalit pors

Mjeku urolog, Artan Koni, ka reaguar ashpër për situatën e rënduar nga koronavirusi në vend, ku prej javësh kemi rritje të ndjeshme të nu

Ish-deputetja e Durrësit, Esmeralda Shkjau, i ka dedikuar një postim prekës në rrjete sociale mjekut Hysni Shkjau, i cili humbi sot betej

Kryetari i Bashkisë së Shijakut, Elton Arbana, ka zhvilluar sot një mbledhje me task-forcën antiCOVID dhe Shtabin e Emergjencave.