Xhafaj: Jemi goditur familjarisht shumë, ishte vendimi i Agronit për t’u dorëzuar në Itali

16/05/2018 - 18:58

   Ministri i Brendshëm, Fatmir Xhafaj teksa shfaqej tejet i prekur nga akuzat që kanë rënduar ndaj tij dhe vëllait, Agron Xhafaj, solli në vëmendje vuajtët që i kanë shkaktuar familjarëve të tij këto lajme.

Xhafaj tha se vendimin që mori sot vëllai i tij për t’u dorëzuar tek autoritetet italiane, ishte tërësisht zgjedhje e Agron Xhafajt. Mes të tjerash ai pohoi se sulmet e këtyre ditëve kanë qenë shumë të vështira për nënën dhe familjen e tij.

“Si një vëlla i përgjegjshëm kam që bërë gjithçka që kam pasur në sedër që im vëlla të behej njeri i denjë si familja jonë, si vlerat e familjes tonë. Im vëlla iu kthye normalitetit, mbaroi arsimin e lartë. E ndërtoi jetën e vet bazuar në mund. Nuk i kërkoi asnjëherë vëllait të tij politik asnjë favor. Sot jemi të goditur familjarisht shumë. Sot Agroni ka shkuar në Itali për një dënim që ska lidhje. Ne do jemi pranë familjarëve, nënës time, gruas se Agronit dhe dy fëmijëve te mitur. Është momenti për të nënvizuar edhe një fakt tjetër. Për ligjin shqiptar në fuqi ndjekja penale që duhet ndjekur për vëllain tim; rrjedhimisht në Shqipëri për asnjë shkak Agron Xhafaj sdo bënte asnjë ditë burg. Nëse im vëlla do të bënte njohjen e vendimit të tij penal këtu në Shqipëri dhje do të priste ekzekutimin e tij këtu në Shqipëri, ai sdo ta vuante atë, pasi periudha prej 4 vitesh e mbetur për ekzekutim është e një afati 5-vjeçar. Se nxita as atëherë dhe as sot që ai ta kryente këtë akt. Ishte zgjedhja e tij dhe e vlerësoi shumë gjestin e tij. Ai sma dha mundësinë që të provoja Fatmir Xhafjan si ministër kur do të kërkohej zbatimi i dënimit. A është i mundur të më tregojë mua se cilën linjë kam shkelur sot si ministër i Brendshëm? Çfarë se kamë bërë detyrën si ministër i brendshëm? Kasta e politikes së baltës nuk di të bëjë gjë tjetër veç me ça merret motra, babai. Dëgjoj tju kthej një përgjigje miqve të mi. Mos prisni që të merrem me bashkëshortet, vëllezërit e disa këtyre të pacipëve që më kanë sulmuar mua këto ditë. Do ju zhgënjej për këtë gjë. Nuk e kam bërë në asnjë ditë që jam në politikë. Edhe pse nuk janë ata të parët që e kanë thënë; mos i bëj tjetrit atë që sdo dëshiroje ta bënin ty”, tha Xhafaj.

/portali DurresLajm/

Na bëni like në facebook!: 

Lajme nga e njëjta kategori

Ajo që dihet deri tani është se sipas raportimeve të bankave shuma e grabitur në 9 prill është rreth 6.5 milionë euro.

Muzeu Arkeologjik është një prej aseteve më të rëndësishme historike dhe arkeologjike që ka qyteti i Durrësit, ku shpaloset historia tre

Portali i njohur norvegjez i turizmit “apollo.no”, ditën e sotme (e hënë), shkruan ndër të tjera se riviera drejt jugut nga qyteti i Durr

Pas lajmit të publikuar nëpër medie, se Endira Bushati është një prej anëtarëve të bordit drejtues të “Bindjes Demokratike”, e cila prite

Departamenti i Sizmologjisë i Institutit të Gjeoshkencave, Energjisë, Ujit dhe Mjedisit i Universitetit Politeknik publik të Tiranës, njo

Pas ngjarjes së rëndë të regjistruar ditën e sotme në Elbasan, ku një 25-vjeçare ka humbur jetën vetëm 1 orë pasi ka sjellë në jetë fëmij

Analisti Fatos Lubonja e sheh partinë e re të krijuar nga Rudina Hajdari dhe Astrit Patozi të dështuar që në nisje.

Romani i fundit erotik shkruar nga britanikja El James ka shkaktuar reagim diplomatik, pasi ambasadori i Shqipërisë në Britani Qirjako Qi

Qendra spitalore e Elbasanit ka reaguar përmes një deklarate për mediat pas vdekjes së 25-vjeçares, Rexhina Debrova 1 orë pasi solli në j

Sipas portalit holandez NRC.nl, kriminelët shqiptarë kanë ndërtuar shpejt në perandori të drogës në Holandë.