Zbardhen rekomandimet e KSPA për Shqipërinë

14/02/2018 - 16:56

Mbledhja dy ditore e Komitetit Parlamentar të Stabilizim Asociimit BE-Shqipëri që u finalizua me një deklaratë të përbashkët të pozitës dhe opozitës për hapjen e negociatave, la si detyrë edhe përmbushjen e disa rekomandimeve.

Vendit tonë i kërkohen rezultate konkrete, veçanërisht në reformën e drejtësisë, luftën kundër krimit, narkotikëve e korrupsionit, pa kursyer asnjë zyrtar të lartë.

"Të rrisë përpjekjet dhe të paraqesë përfundime të qëndrueshme dhe të prekshme në luftën kundër korrupsionit dhe krimit të organizuar.  Zyrtarët e lartë nuk duhet të përfitojnë nga trajtime të ndryshme nga ato ndaj qytetarëve të thjeshtë, nëse akuzohen".

Dialogu politik brenda institucioneve, konsensusi dhe bashkëpunimi për reformat është një tjetër detyrë shtëpie që europarlamentarët  lanë për klasën politike në Tiranë.

"Ky proces duhet të shoqërohet me përkushtim serioz të të gjitha partive, qeverisë dhe opozitës.  debati politik duhet të zërë vend në Parlament me respekt të plotë mbi ligjet ekzistuese dhe procedurave".

Zgjedhjet e lira e të ndershme janë thelbësore për të ardhmen europiane të Shqipërisë, ndaj dhe kërkohet adresimi sa më parë i fenomenit të shitblerjes së votës.

"Duke përfshirë implementimin e vazhdueshëm të masave që parandalojnë dhe ndalojnë blerjen e votës dhe çdo formë presioni mbi votuesit si përcakton Kodi penal në Shqipëri".

Në dokumentin  ku u përfshinë edhe disa prej amendamenteve të opozitës, Shqipëria inkurajohet të vazhdojë rrugën e reformave të ndërmarra në fushën e përmirësimit të klimës së biznesit, por autoriteteve shqiptare i bëhet thirrje që të vlerësojnë siç duhet investimet publike dhe të forcojnë mbikqyrjen e Partneritetit Publik Privat. /Tv Klan

/portali DurresLajm/

Na bëni like në facebook!: 

Lajme nga e njëjta kategori

Kolegji i Posaçëm i Apelimit (KPA) ka lënë në fuqi vendimin e KP për prokurorin Artan Bajrami, duke vendosur shkarkimin e tij nga detyra.

Bashkia e Tiranës ka shpallur sot tenderin për projektin e godinës së Teatrit Kombëtar.

110 familje janë pajisur me lejet e legalizimit të një pallati në lagjen nr. 2, në qytetin e Durrësit.

Britania e Madhe ka hapur kufijtë për 57 vende të botës, por Shqipëria nuk bën pjesë në to.

  • Vëmendja u përqendrua kryesisht në boshtin rrugor "Mbikalimi i Shkozetit- Plepa"; segmenti Ura e Dajlanit-Plepa (plazh) dhe

Forca Detare dhe Qendra e Vëzhgimit Detar në Ministrinë e Mbrojtjes do të mbështesin masat për sezonin turistik të 2020.

Ministri i Brendshëm, Sandër Lleshaj përmes një statusi në Facebook iu përcjell një mesazh të rinjve shqiptarë.

550 punonjës të Policisë Rrugore, radarë, kamera, alkoolteste, automjete të uniformuara dhe motoçikleta, për menaxhimin e trafikut rrugor

6389 emigrantë shqiptarë kanë nisur procedurat për të përfituar nga lehtësimet ligjore në Itali dhe për t'u pajisur me dokumente të rregu