56 viktima nga koronavirusi

26/01/2020 - 17:09

Dy ditë në radhë qëndrojnë pacientët në spitalin e Wuhanit, për të marrë ndihmë mjekësore pas përhapjes së koronavirusit që është duke u përhapur me ritme të shpejta në Kinë dhe gjithë botën. Numri i viktimave ka arritur në 56, ndërsa autoritetet numërojnë mbi 2 mijë të prekur.

Banorët janë në pritje të përfundimit të spitalit të ri me 1 mijë shtretër që po ngrihet në një kohë rekord prej 1 jave. Edhe pse masat masat e marra për parandalimin e përhapjes së mëtejshme janë ndër më të lartat e mundshme, autoritetet kineze por edhe ekspertët e mjekësisë në gjithë botën, thonë se mungesa e njohurive për këtë virus të ri përbën disavantazh në përpjekjet për parandalimin e përhapjes.

 “Njohuritë tona për koronavirusin e ri janë të kufizuara. Origjina ende nuk është gjetur. E kemi të paqartë mekanizmin e transmetimit. Nuk e dimë ende nëse virusi është në gjendje të pësojë të tjera mutacione”, thotë Ma Xiaowei, drejtues i Komisionit Kombëtar të Shëndetësisë.

Në mediat botërore është vlerësuar heroizimi i mjekëve kinezë që po punojnë me turne të tejzgjatura për të përballuar fluksin e lartë të pacientëve. Në ndihmë të stafeve mjekësorë kanë ardhur edhe mjekë të dalë në pension. Një ish-mjek 62 vjeç ndërroi jetë në spitalin e Wuhanit teksa përballej me fluksin. Është ende e paqartë nëse ai është infektuar nga virusi apo ka ndërruar jetë nga lodhja në përballimin e fluksit.

Presidenti kinez Xi Jinping urdhëroi dërgimin e ushtrisë në Wuhan për të garantuar respektimin e rregullave strikte për mospërhapjen e virusit. Edhe Papa Francesku përgëzoi autoritetet kineze për menaxhimin e kësaj situate tepër të vështirë dhe reagimin në kohë për të parandaluar përhapjen.

/portali DurresLajm/

Na bëni like në facebook!: 

Lajme nga e njëjta kategori

Numri i të vdekurve nga COVID-19 në të gjithë globin mund të dyfishohet para se një vaksinë e suksesshme të përdoret gjerësisht – dhe mun

Miliona artikuj të falsifikuar, përfshirë 27 milionë maska të fytyrës, janë konfiskuar në Evropë.

Edhe pse Organizata Botërore e Shëndetësisë e ka lavdëruar publikisht Italinë për menaxhimin e situatës së përhapjes së pandemisë në muaj

Katër persona kanë mbetur të plagosur, dy prej tyre në gjendje të rëndë në një sulm me armë të ndodhur në Paris.

Një oficer policie është qëlluar për vdekje në një stacion policor në qytetin e Croydon të Anglisë.

Qeveria amerikane po synon që të shtyjë publikimin e më shumë se 1,000 faqeve të dosjes së lidhur me dyshimet për helmim të aktivistit op

Zjarret masive të rëna në Kaliforni nga ngritur shumë shqetësime në Shtetet e Bashkuara të Amerikës.

Parashikimi për ekonominë botërore është më pak i tmerrshëm sesa ai vlerësuar në qershor, tha sot një zëdhënësi i FMN-së, duke sugjeruar

Figurës kryesore të opozitës ruse, Aleksei Navalni i janë bllokuar llogaritë bankare pas një urdhri gjykate, thotë zëdhënësja e tij.