Gjashtë persona të prekur me koronavirus në Itali. Një 38-vjeçar italian rezulton i prekur nga virusi vdekjeprurës në Lombardi. Ai nuk kishte udhëtuar ne Azi, por në fillim të shkurtit ishte takuar me një mik, që sapo ishte kthyer nga Kina.
Pas kryerjes se analizave, rezulton të jetë prekur edhe bashkëshortja e 38-vjecarit, e cila është ne muajin e tetë të shtatzënisë, një i njohur i tyre si dhe 3 persona të tjerë. Lajmi bëhet i ditur nga mediet italiane.
Të gjithë të prekurit janë izoluar ne spital, ndërsa autoritetet kane bërë thirrje që të gjithë qytetaret që jetojnë pranë çiftit të prekur të qëndrojnë në shtëpi dhe të evitojnë kontaktet me njerëzit.
Bashkë me 5 personat e prekur, në izolim në spital është futur edhe shtetasi kinez që dyshohet se i ka infektuar. 60 persona që kanë pasur kontakte me 38-vjeçarin janë futur në karantinë.
Shifrat e fundit nga Kina tregojnë për 2 236 njerëz të vdekur dhe mbi 75 000 të infektuar. Coronavirusi është përhapur edhe në pjesën tjetër të Azisë, Evropë, SHBA dhe Afrikë.
