Betohet e para grua në krye të CIA-s

21/05/2018 - 22:49

   Në ceremoninë e betimit të 61-vjeçares Haspel, që u mbajt në selinë qendrore të CIA-s në dalje të Uashingtonit, mori pjesë edhe Presidenti Donald Trump.

"Gina është e fortë, e vendosur dhe kur vjen puna për të mbrojtur Amerikën, ajo nuk tërhiqet kurrë", tha presidenti Trump.

"Burrat dhe gratë e kësaj agjencie meritojnë udhëheqje të jashtëzakonshme dhe atë po marrin", tha ai.

Trump e quajti zonjës Haspel "një person shumë të veçantë ... që i ka shërbyer vendit me aftësi dhe përkushtim të jashtëzakonshëm".

"Askush në këtë vend nuk është më i kualifikuar se ju për këtë detyrë të jashtëzakonshme", i tha presidenti Haspel.

Gina Haspel zëvendëson në këtë detyrë Mike Pompeon, i cili së fundmi mori detyrën e Sekretarit Amerikan të Shtetit.

Pompeo ishte gjithashtu i pranishëm në ceremoninë e betimit të drejtores së re të CIA-s.

Për zHaspel puna e saj në CIA dhe ajo punonjësve të tjerë të shërbimit të fshehtë amerikan është "më shumë se një karrierë". Sipas saj, ajo ka të bëjë më tepër me "një thirrje" për të mbrojtur vendin nga sulmet terroriste.

"Ne jemi më të mirët dhe sfida jonë është të jemi gjithmonë më të mirët", u tha ajo punonjësve të CIA’s gjatë fjalimit të saj.

Senati amerikan e miratoi kandidaturën e Haspel të enjten e kaluar me 54 vota pro dhe 45 kundër, duke i dhënë fund një procesi të trazuar të emërimit saj, gjatë të cilit ligjvënësit rishqyrtuan praktikat e mëparshme të marrjes në pyetje që zbatoheshin nga CIA.

Gjashtë demokratë votuan në favor të Haspel, ndërsa dy republikanë e kundërshtuan emërimin e saj.

Udhëheqësi i shumicës në senatin amerikan Mitch McConnell, një republikan i Kentakit, e vlerësoi zonjën Haspel si "të kualifikuar në mënyrë të veçantë për t'u përballur me sfidat më të mëdha të sigurisë kombëtare të Amerikës", duke shtuar se ajo "ka fituar respektin dhe admirimin e burrave dhe grave të CIA’s".

Përzgjedhja nga Trump e zonjës Haspel për drejtimin e agjencisë së zbulimit shkaktoi polemika, duke pasur parasysh gabimet e saj me praktikat e ashpra të marrjes në pyetje të të burgosurve pas sulmeve terroriste të 11 shtatorit në Amerikë. Ajo gjithashtu shkroi një dokument, nëpërmjet së cilit autorizonte shkatërrimin e video-kasetave të agjencisë së zbulimit, në të cilat sipas shumë studiuesve ligjorë ishin filmuar torturat ndaj të dyshuarve për terrorizëm.

Demokrati Patrick Leahy njoftoi kundërshtimin e tij Haspel pak përpara votimit, duke i quajtur disa nga dokumentat mbi veprimtarinë e saj "shqetësuese".

"Nuk e vë në dyshim angazhimin e Haspel në funksion të sigurinë sonë kombëtare. Ajo ç’ka vë në dyshim është besnikëria e saj ndaj një vlere thelbësore të kombit tonë, asaj që të gjithë njerëzit kanë të drejta të caktuara, të patjetërsueshme", tha zoti Leahy në një deklaratë duke shtuar se dinjiteti themelor i qenieve njerëzore "është i papajtueshëm me praktikat ç’njerëzore sikurse torturat".

Gjatë seancës për miratimin e saj, zonja Haspel në mënyrë të përsëritur nuk pranoi të thotë nëse teknikat e ashpra të marrjes në pyetje ishin moralisht të gabuara. Megjithatë javën e kaluar, ajo i shkroi një letër përfaqësuesit më të lartë të demokratëve në komision, Mark Warner, ku shkruante se CIA nuk duhet të kishte kryer praktika abuzive të marrjes në pyetje.

"Si drejtore e CIA’s, Gina Haspel do të jetë zyrtarja e parë e operacioneve në më shumë se pesë dekada, që do të udhëheqë agjencinë," tha Warner në një deklaratë.

"Besoj se ajo është dikush që mundet dhe nuk do të lëkundet, nëse presidenti e urdhëron të bëjë diçka të paligjshme apo të pamoralshme siç mund të jetë kthimi tek praktikat e torturës", tha ai.

/portali DurresLajm/

Na bëni like në facebook!: 

Lajme nga e njëjta kategori

Kryeministrja britanike Theresa May i ka mbijetuar sonte një votim mosbesimi me 200 deputetë konservatorë të partisë që mbështesin udhëhe

Ish-avokati i presidentit Trump, Michael Cohen, u dënua me 3 vjet burg pasi u deklarua fajtor për një numër kriminesh lidhur me punën e t

Një tërmet me magnitudë 4.4 ballë tronditi Teneses në SHBA, gjatë orës 4 të mëngjesit të mërkurën.

Kryeministrja britanike, Theresa May deklaroi se do të sfidonte lidershipin për Partinë e saj Konservatore me gjithçka kishte.

Zyrat qendrore të Facebook në Kaliforni të Shteteve të Bashkuara të Amerikës janë evakuuar pas një telefonatë anonime për bombë.

Zv.kryeministri dhe ministri i Brendshëm italian, Matteo Salvini duke folur për situatën pas atentatit në Strasburg të Francës, paralajmë

Franca zgjohet e terrorizuar si pasojë e masakrës në Strasburg, ku mbetën të vrarë 3 persona dhe u plagosën të paktën 12 të tjerë.

Një kartë identiteti e Ministrisë së Sigurisë Shtetërore të ish-Gjermanisë Lindore, e njohur si Stasi, të cilën e kishte përdore Vladimir

Të paktën një person është vrarë dhe disa të tjerë janë lënduar pasi dikush hapi zjarr afër një tregu krishtlindjesh në qytetin francez t

Zyrtarët afganë kanë deklaruar se 12 persona kanë mbetur të vdekur nga një sulm vetëvrasës në periferi të Kabulit, i cili kishte për qëll