“Brexit”, Bashkimi Europian shfaqet pro zgjatjes së periudhës së tranzicionit

18/10/2018 - 20:17

Bashkimi Europian tha se është i gatshëm të zgjasë periudhën e tranzicionit pas “Brexit”-it, nëse Britania e Madhe e do këtë.

Periudha aktuale e tranzicionit, që synon të hapë rrugën për marrëdhënien e ardhshme mes Britanisë dhe unionit, është 21 muaj. Por, me të dyja palët që po dështojnë të arrijnë një marrëveshje, kryeministrja britanike, Theresa May ka sugjeruar zgjatjen e kësaj periudhe me disa muaj.

Disa përkrahës të “Brexit”-it në Britani kanë reaguar ashpër ndaj sugjerimit, ndërsa një burim nga Bashkimi Europian ka thënë për BBC-në se do të duhet të ketë pasoja financiare, nëse Britania zgjat periudhën e tranzicionit.

Sidoqoftë, presidenti i Këshillit Europian, Donald Tusk foli për gazetarët në fund të samitit të Brukselit, ku nuk u arrit asgjë.

“Nëse Bitania e Madhe do një zgjatje të periudhës së tranzicionit, që do të ndihmonte në arritjen e një marrëveshjeje, unë jam i sigurtë se udhëheqësit do të ishin të gatshëm ta merrnin në konsideratë këtë”, tha Tusk.

Jean-Claude Juncker, president i Komisionit Europian, tha në anën tjetër se zgjatja e periudhës së tranzicionit, sipas gjasave është e paevitueshme dhe është një ide e mirë, sepse do të linte vend për ravijëzimin e një marrëveshjeje afatgjatë mes Britanisë dhe BE-së.

Më herët, May kishte thënë se zgjatja e periudhës së tranzicionit ishte një ide e re, që u shfaq në negociata, dhe nuk e kishte menduar se do të mund të konkretizohej.

/portali DurresLajm/

Na bëni like në facebook!: 

Lajme nga e njëjta kategori

Popullariteti i Emmanuel Macron është rritur me 3% në muajin prill, pas zjarrit të rënë në Notre-Dame, në Paris.

Një varkë pasagjerësh u fundos të enjtenl në Liqenin e Kivus në lindje të Republikës Demokratike të Kongos, në Afrikë.

Gjysmë shekulli pas zbritjes së parë të amerikanëve në Hënë duket se është duke u bërë sërish garë për satelitët rreth tokës.

Presidenti turk Rexhep Tajip Erdogan ka bërë sot një deklaratë të “papritur”, duke pranuar humbjen e partisë së tij në Stamboll dhe duke

Motori i një Boeing 737 që operohet nga kompania ajrore ruse Utair mori flakë në pistë, pak momente përpara se të ngrihej në fluturim nga

Një 37-vjeçar, shtetas amerikan është ndaluar orët e fundit nga Policia e Nju Jorkut, pasi hyri në Katedralen San Patrick duke mbajtur me

Me "Rrugën e re të Mëndafshit", Pekini ka nxitur optimizmin në vendet e varfëra të Europës Lindore, gjë të cilës Brukseli nuk ka çfarë t'

Ka ndërruar jetë ish-presidenti peruan Alan Garcia, i cili qëlloi veten sot me një armë zjarri.