Brexit shtyhet me 3 muaj

14/03/2019 - 20:08

Në ditën e tretë të përballjes me Parlamentin, qeveria britanike mori mbështetjen e shumicës për mocionin e tretë të thirrur nga Kryeministrja Theresa May, atë të shtyrjes së Brexit përtej afatit aktual të 29 Marsit.

Ndonëse Kryeministrja May nuk ishte në sallë gjatë votimit, qeveria mori mbështetjen e 412 deputetëve, ndaj 202 votave kundër. Gjatë pasdites, shumica konservatore rrëzoi një sërë amendamentesh të kërkuar kryesisht nga opozitarët laburistë. Mes tyre, amendamentin për një referendum të dytë, amendamentin për shtyrjen e Brexit deri më 30 Qershor, si edhe atë për marrjen e kontrollit nga parlamenti, çka do të ishte një disfatë e rëndë për Theresa May.

Shefes së qeverisë do t’i duhet tashmë të bindë Brukselin për një shtyrje të afatit. Bashkimi Europian e la të hapur një mundësi të tillë. Presidenti i Këshillit Europian Donald Tusk tha se do t’u kërkonte 27 vendeve anëtarë të ishin të gatshëm për një shtyrje të gjatë të afatit të Brexit, nëse Britania e Madhe e sheh të nevojshme rishikimin e strategjisë së shkëputjes nga Bashkimi Europian.

/portali DurresLajm/

Na bëni like në facebook!: 

Lajme nga e njëjta kategori

Të dielën e kaluar një fluturim i Ethiopian Airlines është rrëzuar, duke shkaktuar vdekjen e të gjithë personave në bord.

Gjykata Evropiane e Drejtësisë e hapi rrugën që Gjermania t’i ekstradojë azilkërkuesit në shtete të tjera anëtarë të BE-së.

Partitë Popullore Europiane vendosën përjashtimin e simotrës hungareze “Fidesz”.

Shërbimi i sigurisë i Ukrainës njoftoi se ka konfiskuar një dërgesë të drogës nga Amerika Jugore me vlerë rreth 51 milionë dollarë.

Bashkimi Evropian do të pajtohet për shtyrje të datës së largimit të Britanisë nga Bashkimi Evropian, vetëm nëse Parlamenti britanik do t

Autori i masakrës së të premtes në dy xhamitë në Christchurch, në Zelandën e Re, ku mbetën të vdekur 50 persona, kishte planifikuar edhe

Një tërmet i fortë me magnitudë 5.5 ballë goditi qytetin Denizli në perëndim të Turqisë mëngjesin e sotëm.

Një neozelandez 18 vjeçar e shpërndau në Facebook transmetimin live të atentatit – dhe prandaj ndodhet para gjyqit.

Një burrë në Kaliforni u arrestua për një vrasje të cilën dyshohet se e ka kryer në Van Buren County në vitin 1986.