Bulizmi, 15 vjeçari vret veten pas ngacmimeve të vazhdueshme në shkollë

25/02/2020 - 22:58

Një djalë adoleshent, viktimë e bulizmit ‘gjithë jetën e tij’ ka vrarë veten në Britani pasi ndjente se nuk mund t’i shpëtonte ngacmimeve.

15 vjeçari fatkeq Simon Brooks duket se ndryshoi mendje në orët e fundit të jetës, pasi kishte pirë një masë tabletash në shtëpinë e tij në jug të Uellsit, por ishte tepër vonë.

Fjalët e tij të fundit ishin: ‘Mama…a do të vdes?’ Nëna e tij Julie Steward foli për tragjedinë dhe bëri thirrje për ligje të reja të ndalimit të ngacmimeve dhe bulizmit në shkolla.

Ajo tha: ‘Simon ka qenë viktimë e bulizmit gjithë jetën. Ishte i gëzueshëm por dhe shumë i ndjeshëm dhe nuk i kuptonte gjithmonë situatat shoqërore.’ Julie thotë se ngacmimet ndaj Simon nisën në shkollën fillore kur nxënësit e tjerë e thërrisnin me emra ofendues ose i merrnin çantën, ndërsa u përshkallëzuan në dhunë fizike në shkollë të mesme.

“Kjo nuk kishte fund për të. Nuk mund të shpëtonte. ditën që helmoi veten ishte i mërzitur për diçka të vogël, por gjithçka ishte akumuluar dhe kjo e bëri të kalonte limitin”, thotë Julie e cila e gjeti Simon me mbidozën e tabletave në 28 mars 2014 teksa ambulanca ishte jashtë shtëpisë. Ai i kishte thënë një shoku për atë që kishte bërë dhe ai njoftoi policinë.

Julie thotë më tej: ‘Simon po i tregonte mjekëve për ngacmimet në shkollë por nuk kishte ndjenjë urgjence pasi nuk besonin se do të vdiste pasi ishte i ndërgjegjshëm dhe po fliste. Sa do të ksihte dëshiruar ta merrja në banjë dhe ta bëja të villte”.

Simon u dërgua në spitalin Glamorgan më 28 mars dhe më pas në atë të Cardiff. Nëna e tij thotë se kur ishte i shtrirë në krevat i tha se nuk donte të vdiste. “Ai po më thoshte se dëshironte të mos e kishte bërë dhe unë ende besoja se do të shërohej, pro më vonë e kuptuan se e rëndë ishte gjendja”.

/portali DurresLajm/

Na bëni like në facebook!: 

Lajme nga e njëjta kategori

Sipas të dhënave të publikuara nga Mbrojtja Civile në Itali, ditën e sotme është regjistruar një numër më i ulët i vdekjeve nga koronavir

Wuhan-i është kryeqytet i provincës Hubei dhe vendi ku dyshohet se lindi koronavirusi i ri, COVID-19.

Nëse shkalla e rritjes së rasteve vazhdon në nivelet aktuale, zona metropolitane e Nju Jorkut do të pësojë një katastrofë më të keqe se W

Numri i vdekjeve nga koronavirusi në Britaninë e Madhe u rrit me 260 persona në 24 orët e fundit, duke e çuar shifrën në 1.019 të vdekur.

Numri i njerëzve që kanë vdekur nga koronavirusi në Spanjë në 24 orët e fundit është rritur me 832, rritja më e madh ditore në vend që pr

Turqia anuloi të gjitha fluturimet ndërkombëtare dhe vendosi të ndalojë udhëtimet midis 30 qyteteve, përfshirë Stambollin, Ankaranë dhe I

Shtetet e Bashkuara të Amerikës janë sot vendi me numrin më të lartë të personave të prekur nga koronavirusi.

Ditë pas dite, lista e mjekëve që humbin jetën në Itali nga koronavirusi, fatkeqësisht, shtohet me emra të rinj.

Presidenti i Italisë, Sergio Matarella në një video mesazh sot ka thënë se Italia po përjeton një faqe të keqe të historisë së saj dhe i