COVID-19/ Virologia kineze arratiset në Amerikë, akuza Pekinit: E dinin rrezikshmërinë, por e fshehën

11/07/2020 - 20:32

"Nëse do të kisha folur për këtë në Kinë, ata do të më kishin burgosur ose ndoshta më keq.", tha Dr Li-Meng Yan, e cila u arratis nga Kina në Shtetet e Bashkuara.

"Unë erdha këtu për të thënë të vërtetën se si Covid-19 arriti të zgjerohet në të gjithë botën", shtoi ajo.

Yan akuzon qeverinë e Pekinit se ishte në dijeni të transmetimit nga njeriu tek njeriu shumë ditë më parë se sa u deklarua. Si provë e tezës së saj, ajo tregon disa biseda me një shkencëtar nga Qendra për Kontrollin e Sëmundjeve, një qendër e pavarur kërkimore me qendër në Pekin.

Studiuesja e Universitetit në Hong Kong thotë se ajo ishte personi i parë që hetoi Covid-19: "Më 31 dhjetor, pasi identifikova një virus të ngjashëm me Sars në Wuhan, më kërkuan të hulumtoja në fshehtësi. Një mik i imi që punon në Qendrën e Kontrollit të Sëmundjeve më tha që kishte gjetur simptoma të ngjashme tek njerëzit e tjerë, edhe pse qeveria kineze kishte përjashtuar transmetimin midis njerëzve".

Doktoresha tregon se shumë prej kolegëve të saj ishin të frikësuar nga ideja për të bërë pyetje.

"Infeksioni në Wuhan po rritet me shpejtësi, kështu që sapo mbarova studimin i raportova shefit të departamentit tim, Dr. Leo Poon. Ai më kërkoi të mos thoja asgjë dhe të tregohesha e kujdesshme. Shumë prej tyre janë virologë dhe ata e dinin se çfarë katastrofe do kalonim. Ata kishin për detyrë të bënin diçka.", tha ajo.

Dr. Yan e la jetën e saj të vjetër për t’u shpërngulur në Shtetet e Bashkuara dhe për t’i thënë botës të vërtetën. "Burri im punonte me mua në laborator. Kur i kërkova të më ndiqte, ai nuk donte, u frikësua nga hakmarrja e qeverisë. Ai tha se ata do të na vrisnin prej meje", shtoi doktoresha.

Pas mbërritjes në Los Angeles, gruaja u mor në pyetje dhe pasi shpjegoi arsyet e udhëtimit të saj, ajo kërkoi mbrojtje nga shërbimet sekrete amerikane.

"Disa orë pas largimit tim, policia erdhi në shtëpinë time. Ata e kthyen apartamentin me kokë poshtë në kërkim të provave, morën në pyetje familjen time dhe anuluan llogarinë time të punës", ka treguar virologia.

Në muajt në vazhdim, ajo tha se ishte gjithashtu një viktimë e sulmeve kibernetike. Në Facebook u shfaqën profile në të cilët ajo u etiketua se vuante nga çrregullime mendore.

Universiteti i Hong Kongut ka bërë të ditur vetëm se gruaja "nuk është më pjesë e stafit të tyre", pa shtuar deklarata të tjera.

/portali DurresLajm/

Na bëni like në facebook!: 

Lajme nga e njëjta kategori

Sekretari amerikan i Shtetit Mike Pompeo tha të mërkurën në Pragë se fuqia ekonomike globale e Kinës e bën këtë vend komunist në disa kup

Ministria iraniane e Shëndetësisë bëri thirrje për kujdes në lidhje me vaksinën e re ruse antiCOVID-19, Sputnik-V, që ka nxitur kritika n

Franca ka shënuar 2.524 raste pozitive me Covid-19 në 24 orët e fundit, përballë 1.397 rasteve të një dite më parë.

Një incident i rëndë u regjistrua në Skoci dhe rreth 30 automjete të shërbimit të urgjencës u thirrën në vendin e ngjarjes pranë Stonehea

Ditët e fundit po krijohet një trend në rritje të qëndrueshme në Itali, për sa i përket bilancit të pandemisë.

Ekonomia e Britanisë së Madhe është në recesion pasi u kontraktua me një rekord 20,4% në tremujorin e dytë nga kriza e koronavirusit dekl

Presidenti Donald Trump ka deklaruar se qeveria amerikane do të blinte 100 milionë doza të vaksinës eksperimentale të koronavirusit nga f

Bjellorusia është përballur me protesta në rrugë për të tretën natë me radhë, ndërkohë që kryeopozitarja Svyatlana Tsikhanouskaya është l

Bashkëpunëtor i nazistëve, spekulator, nxitës i shkëmbimit të popullsisë: cila është e vërteta për pretendimet lidhur me miliarderin dhe

Kandidati për president i SHBA, Joe Biden ka zgjedhur senatoren Kamala Harris si kandidate për zëvendëspresidente në zgjedhjet e 2020-s.