Debatet presidenciale përmes mediave sociale

21/10/2012 - 00:00

 

Sipas një studimi, një në dhjetë amerikanë e ndoqën debatin e parë presidencial duke lexuar njëkohësisht lajme në internet. Kompjuterat dhe pajisjet teknologjike të dorës po transformojnë shpejtësinë dhe mënyrat me anë të të cilave votuesit marrin informacionet në lidhje me kandidatët. Mediat sociale në internet si Twitter dhe Facebook janë duke zëvendësuar në mënyrë të vazhdueshme burimet tradicionale të informacionit, për një brez të ri votuesish.

Shumë studentë amerikanë thonë se i kanë marrë informacionet politike jo nga televizioni apo burimet tradicionale të lajmeve, por në mënyrë të menjëhershme, përmes telefonit. Informacioni vjen në telefon nëpërmjet faqeve në internet të mediave sociale si Facebooku dhe Twitteri, popullariteti i të cilave është rritur ndërkohë që më shumë amerikanë zotërojnë pajisje portative.

Qendra Kërkimore Pew tha se gjatë debatit të parë mes presidentit Barak Obama dhe sfiduesit të tij republikan, Mitt Romney, një në dhjetë amerikanë e ndoqën debatin duke lexuar njëkohësisht lajme rreth tij në kompjutera ose në telefona. Adam Sharp i kompanisë Twitter thotë se trafiku në faqen e tyre të internetit shkon nga rreth 1 mijë mesazhe në minutë në mbi 100 mijë gjatë debateve.

Me anë të grafikëve të mesazheve në Twitter, ai mund të analizojë se si debatet janë duke u pritur nga publiku amerikan, në mënyrë të menjëhershme. "Një ose dy breza më parë, mund të na duhej të prisnim gazetën e mëngjesit të ardhshëm, për të mësuar se çfarë ndodhi këtë mëngjes gjatë fushatës.

Sot, në Twitter, jemi në gjendje të ndjekim ngjarjet ndërsa ato zhvillohen dhe mund t’u qëndrojmë më afër kandidatëve dhe aktiviteteve në kohë reale",- shtoi Sharp. Zgjedhjet e këtij viti mund të shërbejnë si një provë mbi mënyrën se si këto burime të reja informacioni do të ndikojnë tek rezultati.

/portali DurresLajm/

Na bëni like në facebook!: 

Lajme nga e njëjta kategori

Të hënën autoritetet sllovake ngritën akuza ndaj një biznesmeni të njohur si dhe tre personave të tjerë të dyshuar për vrasjen vitin e ka

“Afganët nuk duhet ta perceptojnë tërheqjen e papritur dhe gati të plotë të forcave amerikane nga Siria, si pararendëse të asaj që e pret

Rrugët e Madridit, kryeqytetit spanjoll, u pushtuan nga një numër i stërmadh delesh, për Festën e Trashumançias.

Stuhi të forta dhe reshje të dendura goditën veriun e Italisë prej orëve të para të mëngjesit, duke u dhënë fund ditëve me diell të këtij

Një tragjedi është parandaluar në SHBA nga një mësues i fizkulturës, i cili është edhe trajner i ekipit të futbollit që ka rrezikuar jetë

Japonia zyrtare thotë se nuk do të bëhet pjesë e koalicionit të udhëhequr nga Shtetet e Bashkuara për të mbrojtur transportin e mallrave

Qindra mijëra britanikë u bashkuan dje në një marshim për një referendum të dytë mbi Brexit-in, pasi deputetët votuan kundër marrëveshjes

15 njerëz u vranë dhe 6 të tjerë janë shpallur të humbur pasi një digë e ndërtuar në mënyrë të paligjshme u rrëzua në një minierë ari art

Qeni antidrogë nxjerr zbuluar transportuesen e lëndës narkotike. Shtetasja angleze është kapur në autobusin e linjës Paris-Bruksel.