Dilemat rreth pandemisë: Sa është i sigurt udhëtimi?

09/08/2020 - 08:39

Pandemia COVID-19 ka izoluar shumë vende të botës për një periudhë, ka kufizuar shumë aktivitete, dhe ka ndryshuar shprehi të shumta të njerëzve.

Në kohën e pandemisë nuk ka siguri absolute për asnjë lloj udhëtimi, por nëse zbatohen masat e rekomanduara nga organizatat e specializuara për shëndetin publik, ato rrisin shkallën e sigurisë, thotë për Radio Evropa e Lirë, Faik Hoti, drejtor i Departamentit për Informim në Ministrinë e Shëndetësisë, njëherësh kontribuues i Manualit kundër përhapjes së infeksionit me COVID-19.

Sipas tij, përmbajtja e rekomandimeve siç janë ruajtja e distancës, vendosja e maskës në mënyrë të drejtë, dezinfektimi permanent i hapësirave, dezinfektimi i duarve dhe shmangia e kontakteve të afërme, e rrisin shkallën e sigurisë.

Sa është i sigurt udhëtimi me aeroplan?

Hoti tha se sa i përket udhëtimeve me aeroplan, Aeroporti i Prishtinës ka bërë pjesën e vet të udhëzimeve në Manualin për mbrojtje nga përhapja e sëmundjes, COVID-19, që shkakton coronavirusi dhe ka udhëzuar udhëtarët që të mbajnë distancën gjatë kontrolleve, ka udhëzuar sesi të sillen brenda aeroplanit, pra duke bartur maska dhe të zbatojnë me përpikëri rekomandimet që i ka dhënë personeli përgjegjës për mbikëqyrje të udhëtimeve.

Sa është i sigurt udhëtimi me autobus në kohë pandemie?

Hoti thotë se sa u përket udhëtimeve lokale me autobus, është rekomanduar që transporti publik të punojë me kapacitete të përgjysmuara dhe të ketë udhëtarë vetëm 50 për qind. Sipas tij, këto masa janë të gjeneralizuara që lidhen me maskën, distancën dhe higjienën dhe vlejnë për të gjitha kategoritë e personave që udhëtojnë.

Cilave kategori iu ndalohet udhëtimi?

Hoti thotë se nuk ka kategori të veçanta që u ndalohet udhëtimi, por rekomandohet që moshat e shtyra si dhe personat që kanë sëmundje kronike të shmangin fluturimet me aeroplan, ndërsa për ata që realizojnë udhëtime me mjete tjera transporti sugjerohet që në mënyrë të rreptë të zbatojnë tri masa që tashmë janë në fuqi, mbajtja e sigurt e maskës, sidomos në hapësira të mbyllura, mbajtja e distancës dhe higjiena.

Ajo çka është indikative në Kosovë, personave të moshuar dhe me atyre me sëmundje kronike u është rekomanduar të dalin në orët e hershme të mëngjesit dhe të shmangin pikun e ditës kur ka shumë njerëz në hapësira publike me qëllim të parandalimit të përhapjes së infeksionit.

Çfarë thotë Organizata Botërore e Shëndetësisë?

Organizata Botërore e Shëndetësisë këshillon që gjatë udhëtimit, të gjithë duhet të pastrojnë duart shpesh, të kolliten ose teshtijnë në një bërryl ose ind të përkulur dhe të përpiqen të mbajnë një distancë fizike të paktën një metër nga të tjerët. Udhëtarët duhet të ndjekin rekomandimet e autoriteteve të udhëtimit në lidhje me politikat në aeroport dhe në linjën ajrore për fluturimin.

Organizata Botërore e Shëndetësisë sqaron edhe sesi mund të zvogëlojë ventilimi rrezikun e kontraktimit të coronavirusit në aeroplanë?

“Disa aeroplanë kanë sisteme të filtrimit të ajrit të kabinës të pajisur me filtra, HEPA, të cilët mund të largojnë shpejt viruset dhe mikrobet, duke minimizuar kohëzgjatjen e ekspozimit ndaj materialeve infektive të mundshme të prodhuara nga një kollë apo teshtitje. Sistemi i ajrit të kabinës është projektuar të funksionojë në mënyrë më efikase duke ofruar afërsisht 50 për qind të ajrit nga jashtë dhe 50 për qind të ajrit të filtruar, të ricikluar. Furnizimi me ajër është në thelb steril dhe pa grimca.

Ventilimi adekuat është vetëm një nga masat parandaluese për të zvogëluar rrezikun e transmetimit të COVID-19. Masat e tjera të rëndësishme përfshijnë ruajtjen e distancës fizike të paktën 1 metër kur është e mundur, higjienën e shpeshtë të duarve dhe mbajtjen e maskës. Pasagjerët duhet të kontrollojnë me kompaninë ajrore dhe udhëzimet kombëtare ose lokale se kur dhe ku duhet të veshin një maskë gjatë fluturimit”.

OBSH-ja rekomandon se njerëzit e moshës 60 vjeç e lart, dhe ata me sëmundje të rënda kronike ose kushte themelore shëndetësore, duhet të përpiqen të shtyjnë udhëtimin, ose të marrin masa të posaçme dhe të mbajnë një maskë mjekësore për fytyrën vazhdimisht gjatë udhëtimit.

/portali DurresLajm/

Na bëni like në facebook!: 

Lajme nga e njëjta kategori

Në një tjetër takim elektoral presidenti amerikan Donald Trump nuk ka ngurruar të përmendë marrëveshjen e arritur mes Kosovës dhe Serbisë

Rajoni i shkëputur i Nago-Karabakut në Kaukazin e Jugut tha të dielën se 16 nga ushtarakët e saj ishin vrarë dhe më shumë se 100 janë pla

Qytetarët e Zvicrës kanë votuar të dielën në një referendum kundër propozimit të njërës prej forcave politike në vend, për të kërkuar bll

Presidenti Trump emëroi të shtunën gjykatësen Amy Coney Barrett si anëtare të Gjykatës së Lartë, për të plotësuar vendin e mbetur bosh ng

Armenia ka mobilizuar ushtrinë, pas luftimeve të ashpra me forcat e Azerbajxhanit në rajonin e kontestuar të Nagorno Karabakut.

Ish-kryeministri italian, Silvio Berluskoni ka rezultuar sërish pozitiv me koronavirus.

Ministri i Jashtëm bjellorus, Uladzimer Makey ka akuzuar vendet Perëndimore për ndërhyrje në punët e brendshme të vendit të tij, për të n

Rreth 15 000 protestues u mblodhën në Londër për të marshuar kundër masave të qeverisë britanike për ndalimin e përhapjes së koronavirusi

Organizata Botërore e Shëndetësisë ka paralajmëruar nga një rritje masive e numrit të viktimave nga pandemia COVID-19.

Zviceranët do të vendosin të dielën me referendum nëse do të braktisin marrëveshjen e lëvizjes së lirë të njerëzve me Bashkimin Europian.