DW: Koronavirusi vështirëson kthimin e shqiptarëve në atdhe

20/03/2020 - 15:29

Vendimi drakonian i BE për mbylljen e kufijve ka sjellë mjaft probleme edhe për shqiptarët që ndodhen aktualisht në Gjermani e duan të kthehen në vendlindje. Në Kosovë u kthyen me një fluturim të posaçëm rreth 100 vetë.

Kriza e Coronës ka vënë në gjendje alarmi përfaqësitë shqiptare jashtë, sidomos pas vendimit të BE për moslejimin e udhëtimit të qytetarëve nga vendet jo-anëtare në BE. Mjaft qytetarë nga Shqipëria apo edhe Kosova presin për kthimin në atdhe. Veç kësaj ka edhe raste të refuzimit të hyrjes në Gjermani, Policia e Aeroportit të Frankfurtit i konfirmoi Deutsche Welles se në lidhje me krizën e Coronës 2 qytetarëve nga Shqipëria i është refuzuar hyrja në Gjermani. Personat janë kthyer me një fluturim tjetër në vend.

Po përpiqemi të ndihmojmë këdo që është drejtuar tek përfaqësitë e Republikës së Shqipërisë në botë, i konfirmoi të premten (20.02) Ministria e Jashtme e Shqipërisë Deutsche Welles. Zëdhënësja e kësaj ministrie, Fiona Demneri thotë, se „po punohet intensivisht për kthimin e gjithkujt që ka kërkuar asistencë dhe ka shprehur interes. Situata nuk është e lehtë, pasi BE ka mbyllur kufijtë dhe fluturimet dita-ditës po dështojnë. Po përpiqemi të bëjmë më të mirën, rast pas rasti.“

Që nevoja është akute duket edhe në rritjen e fluksit të telefonatave dhe E-maileve këto ditë si në Ambasadën e Shqipërisë dhe asaj të Kosovës në Berlin. Sipas burimeve nga Ambasada e Shqipërisë në Berlin për Deutsche Wellen, vetëm të enjten ka pasur gjatë ditës mbi 150 telefonata dhe 200-300 E-maile me pyetje e thirrje për ndihmë nga qytetarë shqiptarë. Shqetësimet janë nga më të ndryshmet. Nga ata që kanë frikë, se shkelin lejen e qëndrimit, tek personat që nuk mund të fluturojnë, apo edhe ata që janë në gjendje kritike financiare. Ambasada thotë, se është i mobilizuar i gjithë personeli për të ofruar ndihmë në një situatë të tillë emergjence për shkak të virusit Corona.

Corona boshatis Aeroportin e Frankfurtit

Të paktën për ata që kanë frikë, se shkelin afatin 90 ditor të qëndrimit në hapësirën Shengen, Ministria e Jashtme e Shqipërisë e dha dje një lajm të mirë. Ata „që e tejkalojnë afatin e qëndrimit të lejuar në hapësirën Shengen dhe dëshmojnë, se për shkak të situatës Covid-19 e kanë të pamundur lëvizjen nuk do të penalizohen.“

Kurse për shumë qytetarë nga Kosova që vijnë vetëm me vizë në Gjermani, shqetësimi i shkeljes së afatit të vizës për shkak të moskryerjes së fluturimit është edhe më i madh. Shumë vetë kërkojnë këto ditë të marrin një vërtetim identiteti që u ka skaduar afati i vizës që të mos penalizohen më vonë, thonë burime nga Ambasada e Kosovës në Berlin.

Kryhet kthimi i parë i organizuar i qytetarëve nga Gjermania në Kosovë

Ambasada e Kosovës në Berlin konfirmon për Deutsche Wellen, se në bashkëpunim me autoritetet në Kosovë, Ministrinë e Jashtme, atë të Transportit dhe Shëndetësisë organizoi një fluturim të posaçëm për kthimin e banorëve residentë të Kosovës në vendlindje. Avioni i parë i posaçëm me rreth 100 persona u nis të premten në drekë nga aeroporti i Düsseldorfit drejt Prishtinës. Ambasada u lutet qytetarëve të tjerë që të kenë durim, se autoritetet janë duke përpunuar listat e qytetarëve që duan të kthehen.

Ajo që duhet të dinë, personat që kthehen në Prishtinë, është se do të kalojnë fillimisht në një karantinë 14 ditore, një hap, me sa duket jo aq i lehtë për t’u pranuar nga shumë udhëtarë që kthehen, por shumë i nevojshëm për të frenuar përhapjen e virusit Corona. Burime nga Ambasada e Kosovës në Berlin thonë, se duam të apelojmë tek qytetarët e Kosovës, nëse e kanë të mundur, të qëndrojnë në Gjermani këto kohë, sepse kapacitetet e Kosovës për futjen në karantinë 14 ditore janë të limituara.

Mundësi kontakti

Në rast se keni nevojë për të kontaktuar përfaqësitë shqiptare krahas mediave sociale, Ambasada e Shqipërisë në Berlin ofron numrin e emergjencës: 0049 1798215905

Nga e premtja Ambasada e Shqipërisë ofron edhe një numër të ri emergjence.

Me Email: [email protected]

[email protected]

Ambasada e Kosovës në Berlin, veç mundësive të kontaktit me Facebook dhe E-mail ofron këto numra emergjence si mundësi kontakti me ambasadën dhe konsullatat në Gjermani.

+49 152 29084675 Berlin

+49 157 39884891 Hamburg

+49 1522 908 4675 Frankfurt

+49 1523 733 7814 Stuttgart

+49 152 18 22 28 40 München

+49211 54 222 222 Düsseldorf/ DW

/portali DurresLajm/

Na bëni like në facebook!: 

Lajme nga e njëjta kategori

Zviceranët do të vendosin të dielën me referendum nëse do të braktisin marrëveshjen e lëvizjes së lirë të njerëzve me Bashkimin Europian.

Në Pulia të Italisë është bërë një studim që pritet të shmangë trajtimin e kancerit me kimioterapi.

Administrata Trump ka propozuar të eliminojë “kohëzgjatjen e statusit” për vizat për studentët ndërkombëtarë, vizitorët e programeve të s

Të paktën 22 studentë të Forcave Ajrore të Universitetit të Kozhedub në Ukrainë, kanë ndërruar jetë si pasojë e një incidenti ajror.

Presidenti rus Vladimir Putin ka propozuar një marrëveshje me Shtetet e Bashkuara për të shmangur ndërhyrjen në zgjedhje dhe çështje të t

Numri i të vdekurve nga COVID-19 në të gjithë globin mund të dyfishohet para se një vaksinë e suksesshme të përdoret gjerësisht – dhe mun

Miliona artikuj të falsifikuar, përfshirë 27 milionë maska të fytyrës, janë konfiskuar në Evropë.

Edhe pse Organizata Botërore e Shëndetësisë e ka lavdëruar publikisht Italinë për menaxhimin e situatës së përhapjes së pandemisë në muaj

Katër persona kanë mbetur të plagosur, dy prej tyre në gjendje të rëndë në një sulm me armë të ndodhur në Paris.

Një oficer policie është qëlluar për vdekje në një stacion policor në qytetin e Croydon të Anglisë.