Erdogan vizitë në Washington, pritje në Shtëpinë e Bardhë nga Donald Trump

13/11/2019 - 10:56

Presidenti turk dhe ai amerikan takohen të mërkurën në Shtëpinë e Bardhë për të diskutuar një sërë temash me interes global. Rexhep Taip Erdogan e ka bërë të qartë axhendën e tij, por qytetarët nuk shprehen optimistë për rezultatin.

Presidenti turk Rexhep Taip Erdogan ndodhet në Uashington me ftesë të homologut Donald Trump.

Diskutimet në Shtëpinë e Bardhë synojnë forcimin e marrëdhënieve shtetërore dhe koordinimin për sfidat e përbashkëta tregtare dhe kundër terrorizmit.

Përpara fluturimit nga Ankaraja, presidenti Erdogan u shpreh të martën se axhendën e tij e kryesojnë temat si marrëveshja për armëpushim me separatistët kurdë në Siri, ekstradimi i klerikut Fetullah Gylen dhe kundërshtimi i rezolutës që akuzon Turqinë për gjenocid kundër armenëve.

Presidenti Trump e ka vlerësuar stilin e udhëheqjes turke dhe e ka konsideruar Erdoanin mik personal.

Megjithatë Uashingtoni ka paralajmëruar sanksione të gjithanshme për disa lëvizje diplomatike të Ankarasë, siç është afria e saj me Rusinë dhe vendimi për t'u armatosur me sistemin më të avancuar antiraketor të Moskës.

Në Turqi, qytetarët nuk janë shumë optimistë për takimin mes dy kryeshtetarëve.

"Mendoj se presidenti nuk ka për të arritur gjë me vizitën. Kemi probleme ekonomike, shto këtu edhe kërcënimet me sanksione SHBA-së," shprehet një banor i Ankarasë.

Politikanët e majtë të Uashingtonit janë deklaruar kundër vizitës së presidentit Erdogan.

Trump ka refuzuar ta anulojë takimin duke thënë se është gati të takojë çdo lider të huaj, mbret, mbretëreshë, president madje edhe diktatorët.

/portali DurresLajm/

Na bëni like në facebook!: 

Lajme nga e njëjta kategori

Dy persona kanë humbur jetën dhe 1 tjetër mbeti i plagosur  pasi një marins amerikan hapi zjarr në bazën ushtarake të Pearl Harbor.

Disa muaj pasi një person u qëllua për vdekje në një park në Berlin, Gjermania vendosi të dëbojë dy diplomatë rusë, pasi dyshohet se vras

Me gjithë grindjet e mëparshme, samiti i NATO-s përfundoi me demonstrim uniteti: as Turqia nuk bllokoi, as Trumpi nuk u tërhoq nga deklar

Ish-deputetja e Partisë opozitare Demokratike të Popullit (HDP) në Turqi, Mizgin Irgat, është dënuar me më shumë se një vit burg për përh

Duke marrë parasysh sa shpesh bien tërmete në Japoni, të gjitha godinat kanë njëfarë mbrojtjeje nga lëkundjet.

Një tragjedi ka ndodhur ditën e hënë në Ukrainë, ku është qëlluar për vdekje djaloshi 3-vjeçar i biznesmenit dhe deputetit, Vyacheslav Sb

Dy tërmete tronditën Ridgecrestin në Kaliforni këtë vit: njëri në 4 korrik (i magnitudës 6.4), dhe tjetri ditën pasuese, në 5 korrik.

Japonia është një prej zonave në botë që ka aktivitet sizmik të lartë.

Presidenti turk, Rexhep Taip Erdogan ka bërë të ditur se pas lajmit të tërmetit ka biseduar dy herë me kryeministrin e Shqipërisë, Edi Ra

Policia gjermane u ka bërë publikisht një lutje hajdutëve, të cilët vodhën stoli me vlerë 1 miliardë dollarë nga një muze.