A është gati Amerika për një President homoseksual?

23/02/2020 - 22:35

Pete Buttigieg, kandidati i parë i hapur homoseksual për president të Shteteve të Bashkuara që po tërheq seriozisht vëmendjen, ishte në epërsi në zgjedhjet parprake të demokratëve në dy shtetete e para dhe doli i treti në zgjedhjet paraprake dje në Nevada.

Korrespondenti i Zërit të Amerikës, Brian Padden njofton se ndërsa orientimi seksual i zotit Buttigieg nuk ka qenë një çështje madhore në garën e demokratëve, ajo ka të ngjarë të bëhet një pikë e debatueshme në zgjedhjet e përgjithshme.

Në fushatë, Pete Buttigieg shpesh flet për vlerat familjare në kontekstin e orientimit homoseksual, duke theksuar se ai është në një martesë të bazuar në dashuri, obligim, dhe domethënien që ka kandidimi i tij për barazinë në Amerikë sot.

“Një nga gjërat më të mira në këtë fushatë ka qenë takimi me njerëz, veçanërisht me të rinjtë që nuk janë të sigurt nëse familja ose komuniteti i tyre ka një platformë në vendin e tyre. Fakti që unë këmbëngul në këtë dhe kam arritur këtu, tregon se ju keni një platformë në këtë vend.”

Ish kryebashkiaku i një qyteti të vogël në Indiana është bërë një pretendent legjitim për të marrë emërimin e partisë demokrate, duke marrë numrin më të madhë të delegatëve në zgjedhjet paraprake në dy shtetet e para. Por, ai doli i treti në zgjedhjet paraprake të së shtunës në Nevada, të cilat i fitoi Bernie Sanders.

Suksesi i hershëm i zotit Buttigieg ndodh në një kohë kur sondazhet tregojnë për një mbështetje në rritje të publikut për martesat e homoseksualëve. Në të njëjtën kohë, komuniteti LGBT, po tregon fuqinë e tij politike dhe ekonomike.

“Gara e Pete-it fitoi terren për shkak të një rritje të mbështetjes nga komuniteti LGBT”, thotë Ellion Imse nga Fondi Fitore për LGBT.

Megjithatë, orientimi seksual i zotit Buttigieg ka ngjallur debate në lidhje me aftësinë e tij për të tërhequr mbështetjen e afrikano-amerikanëve dhe hispanikëve, si dhe të votuesve të moshuar fetarë. Pakicat etnike janë një përbërës kritikë i koalicionit të votuesve demokratë.

Një sondazh i fundit me votuesit afrikano-amerikanë tregoi se 40 për qind e tyre nuk donin të votonin për një homoseksual. Megjithatë, disa analistë politikë thonë se orientimi seksual i zotit Buttigieg nuk do të ishte problematik nëse votuesve u pëlqejnë politikat e tij.

“Mendoj se kjo nuk është një përparësi e madhe për shumicën e votuesve”, thotë Michael Fauntroy, profesor i shkencave politike, Universitetit Howard.

Duke ofruar një shije të komenteve negative që ka të ngjarë të shfaqen nëse Buttigieg do të fitonte emërimin e partisë demokrate, personaliteti i njohur konservator i radios, Rush Limbaugh kohët e fundit tha se amerikanët “nuk janë ende të gatshëm të zgjedhin një djalë homoseksual që e puth burrin e tij në skenën e debatit”.

Sulme të tilla mund të entuziazmojnë mbështetësit konservatorë të krishterë të Presidentit Trump, por gjithashtu mund të armiqësojnë votuesit e moderuar që kanë mbështur Presidentin Trump në të kaluarën.

“Unë mendoj se çdo përpjekje si kjo, nga ana e zotit Rush Limbaugh apo të tjerëve, ka të ngjarë të ngjallë simpati, në mesin e grave të klasës së mesme në periferi të zonave urbane.”

Nga ana e tij, Buttigieg iu përgjigj zotit Limbaugh duke bërë një kontrast të martësës së tij me të kaluarën e stuhishme seksuale të Presidentit Donald Trump, i cili u raportua gjerësisht nga media se kishte paguar një yll të filmave pornografikë për të fshehur dyshimet për një marrëdhënie jashtëmartesore. /VOA

/portali DurresLajm/

Na bëni like në facebook!: 

Lajme nga e njëjta kategori

Në një ceremoni solemne të hënën, me rastin e Ditës së Përkujtimit, Presidenti Donald Trump zhvilloi homazhe për të nderuar amerikanët e

Numri i viktimave nga koronavirusi është rritur në 24 orët e fundit në Itali, ku humbën jetën 92 persona, nga të cilët 34 ishin vetëm në

Belgjika nuk do të vendosë më masa të rrepta izolimi edhe në rastin e një vale të dytë të koronavirusit, deklaroi ministri i Brendshëm, P

Një betejë e fortë po luftohet në laboratorët hulumtues të të gjitha vendeve më të përparuara: nga Kina në Shtetet e Bashkuara, Izraeli,

Duke nisur nga korriku, Spanja do të hapë hap dyert për turistët e huaj.

Kryeministri japonez, Shinzo Abe, ka hequr gjendjen e jashtëzakonshme të vendit, duke i dhënë fund kufizimeve në rajonet ku vendimi ishte

Gjermania është një ndër vendet e suksesshme në luftën ndaj koronavirusit.

Në stereotipet e armikut të qeverisë amerikane nën Donald Trump bën pjesë si Venezuela, ashtu edhe Irani.

Presidenti i Austrisë, Alexander Van der Bellen, ka kërkuar falje pasi shkeli orarin e lëvizjes për shkak të pandemisë.

Një zyrtar i lartë i Shtëpisë së Bardhë e krahasoi mënyrën se si e trajtoi Kina çështjen e koronavirusit me fshehjen që Bashkimi Sovjetik