“Ferri” po vjen drejt Europës!

25/06/2019 - 20:11

Ferri po vjen, thonë mediat e huaja, për valën e të nxehtit që ka vënë në alarm ende pa mbërritur mirë autoritetet në gjermani e Francë.

Ekspertët vërejnë se valët e të nxehtit janë në rritje në mbarë botën, e këtë e konsiderojnë dëshmi të mëtejshme të pasojave të ngrohjes globale, mbi planetin tonë.

Ballkani dhe Shqipëria, duket nuk do të përjashtohen nga kjo valë të nxehti afrikan, megjithatë sinoptikanët i zbusin parashikimet për rajonin, duke thënë se këtu, termometri mund të shënoje e shumta 38 gradë.

Situata do të vazhdojë deri në fillim të korrikut. Në Gjermani, temperaturat pritet të tejkalojnë 40 gradë Celsius, duke kapërcyer rekordin e vendosur për këtë periudhë, në Frankfurt, në vitin 1947.

Zjarret pyjore janë ato që shqetësojnë në mënyrë të veçantë autoritete gjermane, sidomos në verilindje të vendit.
Banorëve në “Lieberoser Heidi”, në juglindje të Berlinit, iu kërkua të mbajnë mbyllur dyert e dritare, ndërsa ekipet e ndërhyrjes së shpejtë u përballën me një zjarr që shpërtheu të hënën dhe u përhap në një sipërfaqe prej rreth 10 hektarësh.

Ai nuk pritet të fashitet përveçse pas disa ditësh. Meteo-Francë kishte parashikuar që temperatura do të mbërrinte deri në 40 gradë Celsius, ndërsa agjencitë gjermane sugjeronin se nxehtësia mund të kapërcente regjistrimet.

“Kjo situatë është e pashembullt për shkak se i nxehti po godet kaq herët, në qershor. Nuk e kemi parë këtë që nga viti 1947”, tha Emmanuel Demael, nga agjencia meteorologjike franceze.

Sipas kërkuesve të institutit të klimës në Potsdam, rekorde mujore nxehtësie po shënohen pesë herë më shpesh sot nëpër botë, sesa do të ndodhte në kushtet e një klime të qëndrueshme.

/portali DurresLajm/

Na bëni like në facebook!: 

Lajme nga e njëjta kategori

Numri i rasteve të prekura me koronavirus në gjithë botën e ka tejkaluar shifrën 6 milionë, sipas të dhënave të Universitetit John Hopkin

Bashkimi Evropian u ka bërë thirrje Shteteve të Bashkuara që të shqyrtojnë sërish vendimin për ndërprerje të bashkëpunimit me Organizatën

Kryeministri rumun, Ludovic Orban është gjobitur 600$ për duhanpirje në ambient të mbyllur dhe mbajtje të takimit në ndërtesën e qeverisë

Presidenti i Shteteve të Bashkuara, Donald Trump tha se do të shtyjë deri në shtator Samitin G7 që ishte planifikuar të mbahej në qershor

Nëse jetoni në një vend të pasur dhe doni një shembull të tregtisë dhe bashkëpunimit global, mjafton t’i hidhni një sy pjatës suaj të dar

Nipi i Mbretit të Belgjikës, Filipes, Princi Joakim ka rezultuar pozitiv në testin e koronavirusit, pasi ka marrë pjesë në një festë në S

Agjencia hapësinore e SHBA, Nasa ka kryer pak më parë lëshimin historik të mjë mjeti hapësinor privat, që transporton astronautët e saj d

Protestuesit janë përplasur me forcat e sigurisë në shumë qytete në Shtetet e Bashkuara, pas vdekjes së afrikano-amerikanit, George Floyd

Italia regjistroi në 24 orët e fundit 111 viktima dhe 416 raste pozitive me Covid-19.

Kompania e medias sociale Twitter i ka shtuar një paralajmërim një prej postimeve të Presidentit Donald Trump lidhur me protestat në Mine